Mark 12:40 - ASII LAKDAP Bible (BSI) Tsangshiq riika manti-nyungre tsiiqchong nyamchong kra nyeaho kham ma, rakhütsiri maq shetangtang achu jaü kuqtlo. Shiikeawe raq tsangshiq ka achong lot mai she mitiichamchao wan.” Hawa Naga Bible 2001 Mvntix nyuiuz tamx yuimx htenc kuex tsuingshiq rueq yauk laungc yalawx maq nyvlc ruiux, vkhuix svmx vtueq vjux thoz loayc hvlc thoz wuez yaq. Kvkhoc rvtueq tsuingshiq lotlaz murx tvgurc rvhumc tuex!” ngoz tueq. Muklom Ning aa notinu him tang sha tashit chak aa, etho takhi ma rapney alo lo hal romtam chu kot aa. Ning sha thaji pheywang eq jashit tsamnang na!” |
Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.
Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.
“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!
Phorisinok nai Thungtri shrinketibi le, namshiq ma phiiptsi chang asi! Mongnam nok le! Namshiq raq thümwaq mantibi ka nanshan shan lao phaqsiq tlan. Lanta maiq ma tiichhi ma nguta shetangtang achu jaü tlan! Arkha na Shiikeawe raq namshiq ka achan ana mitsa sha wan. Raüta namshiq ka mitiicham-chao!”
Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?
“Namshiq raq ümtiikiiwa achu jaü tlan akhing na, thatsang maiqse raq jaü tlaq ikha pahea naq banbok rongkiq. Tsangshiq riika apa achu jaü raütiq Shiikeawe raq mitre nguta tiimatlo.
Tsangshiq raq sinagok na nai poi akhing na, shiilangbi ngachang kiijaq ngawa kli rittlo.
Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”
Namshiq riika, namshiq ka tsangshiq jaqkhon mong na di ama ikha thü tlaq, kiimaq namshiq ka tsangshiq bi na tiimin tlaq, kiimaq namshiq ka anun ma tiija raüta, jamsha siq tlaq, kiimaq namtheaphi na tea tlaq, kriiti riiwe kriika, aheawiq maq nin tlan.
Ara chongtiikai arot shrabi phong wa wiijamti riika, jechakre wiijamti juwa maiqmii rilung na ngarai boqchum na riinyat raüta sitlaqti, raüta tsangshiq tsantsii ka, ngarai han-ngam peo lam na siti thun kra tiijom na raü raüta, tsangshiq wokhong na tiisitlo.