Mark 12:32 - ASII LAKDAP Bible (BSI) Kiijiishe Thungtri shrinketi we raq treto, “Shrinketi we, tengto! Chongtlaü ka tengto dea. Tatiwe kli nashiq Shiikeawe. Apaiq tlea raüta ahin Shiikeawe ka ahü she dea. Hawa Naga Bible 2001 Tvrac tvluingc waz rueq Yesu muex, “Kvkhoc doc, Tvluingc waz lex! Tishox kuex vshiz dvyx rvtueq, vpiq maq lvy vtueq vganc tishox vguez, ngoz tueq mnoz rueq jungx vshuiux kvjaz kuex rvkhauk laz rvtueq. Muklom Iri thong tataltey wa batta, “Tataltey wa, ning aa khakla batphu! Nang aa bat u tung aa raaq raa asing hun, Shkewa raa ashey dang hun etho piq raa dak chak eq adak Shkewa ahung. |
Naqhai rongkiq, isenginok lei! Namshiq raq asaphan kata, richüpat maq riitea ümchaü na saüli, Ngi raq ümchu hongtha wan chang wa kra tiithai wan kang. Kiimaq namshiq ka isaqsekong sitlan. Riita tisho ahin ka asi shea? Ngi raq jangshi ra min taimang shaq tisho ka asi shea?”
Tatiwe raq Israil ma ngutlo, “Ejip mung nai Sudan mung tsiiqtum ka ümniiriishe miraq, kiimaq maiqjong maiqlu Seba mungti ka ümdisekong she mija; tsangshiq ka ümjai phan phan jinraü maq khaje miwa. Tsangshiq ka ümjichong na bum raüta tsangnü maq, ‘Shiikeawe ka ümniirai— apaiq kli dea Shiikeawe ka.
Tatiwe raq ramungtan thun tiiqto, apaiq kriili Shiikeawe ka! Apaiq raq hiq ka loto raüta tiiqto, apaiq raq phataqtaq kiimaq anganwiq kloto. Apaiq raq hiqraikhü ka hiqmiqchangkhü ma tiijamak, shatmaq maiqse singa miitu kloto. Apaiq raq ngutlo, “Ngi ahata Tatiwe, Ngi tlea raüta tisho ahin ahü.
Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.
Kiijiishe Jesuq raq treto, “Tarü thaq na akhek aming ka ara: ‘Israilnok le, tairong laq! Namshiq Tati Shiikeawe kli wiitarü thaq na Tati.
Kiimaq maiqse raq Shiikeawe ka tsan nai khutsai wiita kuq raüta, kiimaq ningkun wiita kuq raüta lungwii lili riichang dea. Kiimaq apaiq raq maiqmii jamthoti ka maiqmii khum lungwii tlaq kiikhiisii hali lungwii chang dea. Ara aming anai lang wan ka Shiikeawe ma nyamse nai laihin honglu kuq tiikai kriithaq na athii atsin pinthum.”
Tatiwe raq arthun ara namshiq ma tiichhi kuq wanto. Arka namshiq ma apaiq kli dea Shiikeawe nguta tiichhike miitu klo wanto. Kiimaq apaiq tlea raüta ahin ka ahüshe nguta tiichhike miitu arthun ara klo wanto.
Kra ningkhan ümchaü ranaiq tsan na tiitsang ronglaq. Kiimaq ümtiikiimin naqlaq rongkiq. Tatiwe ka ramungtan na min Shiikeawe. Kiimaq ara mangjong hiq niimin Shiikeawe. Apaiq tlea raüta shiikea ahin ka jumin ahü she.