Luke 22:62 - ASII LAKDAP Bible (BSI)

Kiijiishe, Petar ka jam rukphai na kiho raüta pinthum hoq siqto.

Hawa Naga Bible 2001

Kvkaq Peter kuex yuz phic kox nuex dung kaz vtueq thuinbac hvlc maq khoar tueq.

Muklom

Peter ran náng ka eq rapney qhap ta.

Luke 22:62 Referencias Cruzadas

Tvtsvmc 38:18

Ngi raq ingarai thun tiidii tiikang; ingarai thun raq ngi chapa tiidongtlo.

JEREMIA 31:18

“Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 26:75

Kiimaq kiijiishe Petar tsan mong na, “Wu miwa shaq liipan niili ümniiraq ngi ka juwa sap mang nguta, jangtsam mitiishaü baiq haü,” nguta Jesuq raq apaiq ma bom achongkuq bomtsi kriishe apaiq tsan mong na tiidosaq riito. Kriikha maq, apaiq ka jam sonruk mong wa kinphai na juho raütiishe, atsan amongpo ka tiipanki nam nam she shetang hoqsiqto.

Matthew 5:4

“Juwa aho ajü sitlaq kriiti ma chochi; Shiikeawe raq tsangshiq miboq pum!”

Mark 14:72

Kra riibom rai tlaq bala liipan niili she, wu ka jangnai she wa nongto. Kiimaq, “Wu jangnai miwa shaq niili, ümniiraq ngi ka juwa, sapmang nguta jangtsam mitiishaü baiq haü,” nguta Jesuq raq Petar apaiq ma achong kuq bomtsi kriishe, atsan na tiidosaq she tiidoto. Krai mren apaiq ka ahosi ninlot mak she kha maq aho riito.

Luke 22:61

Kiijiishe Tatiwe raq Petar pha nü na tro raüta liito. Kiimaq Petar tsan na Tatiwe raq apaiq ma, “Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta chongtaq bomtsi kriishe atsan na dongto.

Luke 22:63

Kiijiishe Jesuq kheti hokranok raq, apaiq ka haihiito. Kiimaq tsatto.

1 Corinthians 10:12

Ümriiti riiwa maiqmii kamasham na pharangrang maq sitiikang nguta tiima tlaq, kriiti riiwe ka pinthum honkam shatmaq misi laq. Riimak la adea miraq.