LEWI 4:2 - ASII LAKDAP Bible (BSI) Israilnok phong wa jurwa sapmak lam maq ngarai tangtlaq kiimaq Tatiwe aming thun jintlaq, kriiti raq arthun tri ara lang chang nguta chongto. Hawa Naga Bible 2001 Israel phvnx vmaq washiz shiz rueq Yehowa tvrac htenc kuex tvmaung raung muq maq mvrax yaq gay ruiux yuq, tvrac kuex vkhoc mphvnx shueq. |
Raütiishe Abimelekh raq Abraham ka heato. Raüta akha waito, “Ümniiraq naishiq ma jamlai wa riilaü? Riita ngi raq ümniima jamlai wa riikang, ümniiraq ikhuthaq na nai imungtan thaq na atinkhan tiithen baiqli chang mra tiisaü wan miika? Ümniiraq ngi ma jamlai wa kiimung laü kriika juwe riimin kiimung mak chang kiimung laü.
Jurmin maiqmii shutphit thun ka chhimak; ngi tiichhiilaq, Tatiwe lei, sap mang shutphit thun wa!
Kiimaq ngi tiiwongshat riilaq, tamlam lam maq ngarai thun tang chang wiimin; kra ngarai thun ma ngi naq tiipengkiq. Kra nguraütiq ngi ka minhap miraq kiimaq tri jin ngarai mong wa wase mijalotha.
Ümbomtsi kriimiili ümniika ngarai na tiidea baiq chang ka naq bomkiq. Shiikeawe ramwe ma, ümniiraq shut rai kang dea nguta mra tiidii chang miraq. Shiikeawe tsan ka ümkhuthaq na jaram tiikhiq wa? Laüta ümjaq ajaqsham haü ka apaiq ma jaram tiithen baiq wa?
“Kiimaq maiq weshi ra ramwe jamti riimakti raq arthun asii honglu ngamrea thun arwa phanshi ra ka hemak lam maq phaqsiq rat haüla, apaiq raq ramwe ma kra thii ka kunli thamke ratlo. Raüta kriithaq niimin shishi khu na roqnai nai achan tiitsuqke ratlo.
Kiimaq Israilnok mungmaiqse tlotli raq hemak lam maq ngarai tangtaq, raüta Tatiwe aming thun wa aming ashi jin raüta shuttaq jiika,
Kiimaq mungtuwe raq hemak lam maq ngarai tangtaq, raüta Tatiwe aming thun kiiwa aming ashi jin raüta shuttaq jiika,
Kiimahali nokmaiqse phong wa maiq weshi ra raq sapmak lam maq, ngarai tangtaq, raüta Tatiwe aming thun kiiwa aming ashi jin raüta shuttaq jiika,
namshiq raq maiq tiipaükai chang chela thun kra tsea lanta thüchang miraq. Kiijaq maiq weshi ra raq shaiqshuq shi maq maiq tsat raüjaq tiipaü juho chang miraq.
Kiimaq maiq weshi ra raq, shaiq shuq shi maq, maiq weshi ra, apaiq ma wesang riimak kra tsat raüla, apaiq ka ara atiipaü kaichang chela thun kiina chela ashi kiina tiipaü juho chang. Raüta apaiq miisaq kra tiichhii wan mimai.
Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.
Riita, ramwe ajong we apaiq kiimin la, phanrap lam phan na ningkun ajom sitlaq kha maq, nanok ahinti raq ashut aphit klo wan kra chhi raüla, apaiq mangchan tsantsii ka asi thü tlo.
Shatmaq, kra tapmong khokti niika, Ajong Pinthum Ramwe kli wa tlo. Kriimin, wiishi na jangshi lamlamse li wa tlo. Kra tapmong na watlaq akhing niika, apaiq maiqmii ngarai tiikhoi miitu nai nokwe raq sap mak lam maq ngarai tangtlaq thun kra tiikhoi miitu, Shiikeawe ma honglu na ataakuq ngam tiijai kra, ajaq na sham shat miishetiq watlo.
Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!
Shatmaq Jonathan riika awe raq Israilnok ka tumkham maq tiiphiiptaq kriika taimak dea riito. Kriikha na apaiq jaq na pekii ashi shamtlaq kriimaq ngiqngutu kriijaq shukto. Raüta ngiqngu pekii maq satlaq kra anü na wiijam shupsiqto. Krai mren, ahan phin wan ka apaiq raq heshat riito.