John 3:12 - ASII LAKDAP Bible (BSI) Ngi raq namshiq ma ara mangjong hiq wa bomtsi chongkuq tiikang arma santla lam man riitlan, ikhiijiika, ngi raq namshiq ma ramungtan wa bomtsi kriishe chongkuqha jiika, jamkhii she wa mikam han? Hawa Naga Bible 2001 Mungkawx nuex seng yaq lvmx htenc kuex ngaz rueq tvkhic kuq phaungx nuex nuimshiq kvmx muik ngoz ruiux kuex, raungmungx nuex seng yaq lvmx htenc tvkhic kuq ruiux yuq, yvmx khoc maq lac nuimshiq kvmx tuinx? Muklom Nga nangma mingkang tung aa raaq batta phang sha nang aa han mu ang ujo, nga nangma mungtan tung aa raaq batphang jo chamal eq han nu? |
Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.
Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”
Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.
Rahai ka ümnümo hai wan tlaq, ahai wan lam kra phan phan haiwan tlo. Ümniiraq rahai watrang ka mitai haü. Shatmaq, rahai ka ümnümo hai wan tlaq, kiimaq ümnü nü no haiho tlaq, kriika saplot maü. Ikiikhiisii hali, juwa Asii Wenyi maq rawii chhi tlaqti kiimin kiikha sitlo.”
Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.
Naishiq raq namshiq ma Melkijedek raq ramwe jaqsham wantaq kiikha, Khristo riimin ramwe jaqsham tlo kra, bomtsi thaq na atsaü dea chong kewa chang asi shaqli. Shatmaq namshiq ma phanchanke miika ahawiq. Namshiq raq maiq bom chong kra samhea tiitsang tai tsüman sitlan.
Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.