John 11:4 - ASII LAKDAP Bible (BSI) Jesuq raq kra tsütsa ka tairaüta, “Ara tsisi tlaq arka, apaiq miisaq tiithum miitu ka riimak. Shatmaq, ara lümaq Shiikeawe khushü kra tiidong miitu tsitlo. Krai mren, Shiikeawe Se khushü kiimin mijong wan” nguta chongto. Hawa Naga Bible 2001 Kvruex kvjaz kuex Yesu rueq tay vtueq, “Kvruex thuiuz yaq kuex vthueyc juing thuiuz rvmuq, Tishox ngauz vngax tvdungc wvnc tvkoc thuiuz yaq rvtueq, kvruex thuiuz kvraq Tishox Saz ngauz vngax muinz dung wvnc tuex,” ngoz tueq jungx tueq. Muklom Jesu aa kap tat eq batta, “Iri tak raa utik ma ang moq; etharin Shkewa phun amun rangma, etho irimal ang ajo Shkewa Miqwasa phun amun cham ang aa.” |
Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”
Shatmaq, ngi raq, i We raq achongkuq jaqsham kriidea sham tiikang jiika, namshiq raq ngi ma kamwan romanli jiimin, i jaqsham arma kamwan rong liina. Kra kamwan han jiika, namshiq raq ngi ka i We rai, kiimaq i We ka ngi rai pumshi hanshi miidea sitiikai nguta pattup miitu she misap wan han.”
“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.
I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.
Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.
Ngi rii ümchuwa sitlaq kriika ümniirii. Kiimaq, ümniirii ümchuwa sitlaq, kriika ngi rii. Kiimaq, tsangshiq lümaq, i khushü jong ara tiichhikuq tlo.
I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.
Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.
Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.
Kiijiishe, Jesuq raq tsangshiq bom ka tre nongto, “Riita, ija, ngi raq maiqmiili tiishom raa rai ha jiika, kriika thiihü li dea mirna. Shatmaq, ngi shomra wanti we ka i We asi. Namshiq nga, apaiq ka namshiq Shiikeawe nguta chong tlan.
Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”
Kiijiishe, Jesuq raq tsangshiq bom ka treto, “Apaiq makchuk dongtaq arka, anyungwe ngarai nai apaiq ngarai ningkhan ka riimak. Shatmaq, apaiq khum na Shiikeawe wangchang jaqsham kra tiichhike miitu dongto.
Ikhla, ngi raq bom ka akhiishe wainong pha: Riita, Jehudinok ka tsangshiq maiqmii shut phit wan tlaq kra thiikho mong na, tiimiqchup she, chongthum ma jawan tlii she dea sha thenjen wanta? Thummak! Miqchup ka miq mak dea! Tsangshiq raq ngarai tang wantaq kriikha maq, tiichhii wan rawüli kriika, Pongnok phan maiqse miishe kuq wanto. Arka, Jehudinok raq Pongnok phan maiqse tiichhii wan tlaq kra chhi raüta, tsangshiq mak kriishe mishu rai laq nguta, Pongnok phan maiqse miishe tiichhii wan rawüli ka kuq wanto.
Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.
Ngi raq riiwe kla, ara Shiikeawe minshiiq tiikang arka, ümtiikiimin nungpaq mang maq misham ha, nguta i tsan na tsihea maq, kiimaq tsaühea maq hang lata, sitiikang. Arka wranaiq she, kiimaq akhek ka ümchaü akha akhing na, i tsan tiijong shat maq sitiikang. Lata, atra sikang lo, kiimaq amaa sikang lo, i khum ara lümaq, maiqse raq Khristo khushü jonglu kra sap raüla hongjiiq nguta sitiikang.
Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.
Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.
Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.