JEREMIA 5:7 - ASII LAKDAP Bible (BSI) Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto. Hawa Naga Bible 2001 Yehowa rueq, “Ngvy miqsaz htenc mvrax kuex ngaz rueq mkhoc lac dawc kuq shaungx? Nuimshiq suiuz vsaz hez rueq ngaz kuex tvdux gay ruiux tishox htenc muex nawk palx wuez yaq. Ngaz rueq ngvy miqsaz htenc muex phoay laz tv-phauk saq tauk, yuq muinz tsuingshiq rueq miq juik miq saz rulc yaq ruiux mephex nyuiuz hez rulc htokpawx wuez yaq. |
Namshiq raq Aron saüse phan Tatiwe ramwebi kiimin jobaiq lan she. Kiimaq namshiq Lewinok kiimin jobaiq lan she. Tsangshiq lai miitu namshiq raq pong mungti thun raq jamkho shongtlaq kiikha ramwebi she shonglan. Juwa namshiq phana minsaü pongwe heraüta lo riimak la sku kaümiishi heraüta namshiq phana ramwe ma tiishong wa watlo. Raüla ju li saüwa raü min namshiq raq apaiq ka namshiq phra kaütiim ngutlan kra ramwe ma shongtlan.
Kra nguraüka tiimiqchup, wamungtan walü raq, ijaq na jamlai wa sitlaq kra apun tiichong mak maq mikhiim phaq wan wa.
Ümniika ahukwe achhichhi krai kongshi jawan laü kiimaq ümniika mephe nyungre rai kiichamti rai kongshi jawan laü.
Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.
Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?
Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.
Riita maiq weshi raq apaiq phra ka mitiiqlot shea? Lot mak. Apaiq raq klo raüka, kriika riikhaqli phra kong ka riimak.”
Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.
Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?
Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.
Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.
Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.
Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.
Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.
Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,
“O, Tatiwe lei, naishiq raq ümtri jin wan kai. Laita ngarai tang kai, kiimaq ümniiraq ümchaü niitaq, naishiq ngarai ka diikuq maü dea.
Maiq wiijamti riika maiqchak rai asratlo, kiimaq wiijamti riika anam-nyungtiim ka tiinatlo, riimakla ashea nyung lam werese kra shonron hotlo.
“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!
Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.
Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.
Tsangshiq ka hokham jaqkhong na siromak. Apaiq ka jamkha moraüta, tiidea chang wa kli kiimungtlo. Tsangshiq makshu rashe tsantsii ka, winsii lumchang watum ikha, winsii mijashaq wiiwii nyaitlaq ikha nyaitlo.
Kiimaq maiq ashi ra raq anok abin Israilnokwe chak rai shraki raüla, tsangnai wiita kriiwe nai jechak nyung ka tiitsailaq tsea baiq raa.
Kra akhing na Samaria wa phra sumla thun ka, ‘O Dan chela phra kaü lei’ riimakla, ‘O Beersheba phra kaü lei’ nguta tiitum wantibi ka, wiita mibunki, ümtiikiimin tiidolot mak she” nguta Tati Shiikeawe raq ngutlo.
Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.
Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.
Namshiq wiitarü raq ashut aphit maiqse ka Shiikeawe sengi ma jawan lot mak nguta chongtlaq kra asap han ahiq na. Namshiq raq maiqmii kli naq tlaophaq rongkiq. Maiq ümriiti riiwa sethoq jatlaq lo, sumla shomnoq tlaq lo, maiqchak maiqse rai kiicham tlaq lo, maiqwe nai maiqwe liipan na lo, jechak nai jechak liipan na lo, hi awaq ikha hai nga tlaq lo,
Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.
Man na lea wan lan akhing na, namshiq raq Shiikeawe ka sap man maq silan. Kriikha maq, namshiq ka thawe disetiim ma ja lanta silan.
“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.
Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.
Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.
Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.
Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.