JEREMIA 43:1 - ASII LAKDAP Bible (BSI) Ngi raq mungmaiqse ma Tatiwe, tsangshiq Shiikeawe raq tsangshiq ma jamlai bom wa tiichongkitaq kra chongkuq lot kang. Hawa Naga Bible 2001 Yehowa nuimshiq Tishox rueq nuimshiq muex jungc kuy tvkoc ngaz tvkaz phuex rulc rv-ngvlc ngaz rueq miq htenc muex phvnx ruip saz jungx kuq lot tauk shex. |
Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.
Kiimaq Mosheq ka mungmaiqse phana kito. Raüta Tatiwe raq aming thun kuqtaq kra tri raütu akuq thun kra tlotli chongkuqto. Kiimaq mungmaiqse kunli raq adam maq treto, “Tatiwe raq jamlai wa chongtaq kra wiita naishiq raq miklohai.”
Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.
Shatmaq Tatiwe raq ngi ma nguto, “Ümniika nose se li ngutiika naq ngukiq. Shatmaq ngi raq ümniika mungmaiqse phana tiikitiikang kiijaq kilaq, lata ngi raq ümniima aming kuqkang kra phan phan bom ka kunli michong kuq haü.
Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq.
Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!
Krai mren ümchaü ngi raq namshiq ma chongkang she. Shatmaq namshiq raq ümchaü ka Tatiwe nashiq Shiikeawe raq ngi lümaq namshiq ma bom tiichongtaq kra wiita she jinbaiq wan lan.
Kra ningkhan ümchaü sanha, ara tsan na tiitsang ronglaq: Namshiq ka redong na mijiim han; riimakla ramdong raq mijiim han; riimakla thadong raq mijiim han; namshiq ümra mung na sikai wa laüho tlan, kiijaq mijiim siq han.”
Tatiwe senginok raq apaiq ka no na tiishaü baiqto. Raüta akha nguto, “Apaiq raq ngohea shaq shaq ka klo mak miraq. Nashiq ma chamchao litkot akhing ka tiisaü mak miraq. Nashiq ma re ka dong mak miraq. Kiimaq ramdong ka saümak miraq.”
Seraia lei, ümniiraq ara lakdam ka mungmaiqse ma phat kelot jai she, lakdam arjaq longkaü ashi paq laq. Laüta Euphretis jürai na tiidea baiqlaq.
Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”
Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.
“Shomjam kiina kironglaq. Lanta, kiijaq mungmaiqse ma ara rilung anye lamphan bomchong ara chongkuq kirongkiq,” nguta thaüto.
Samuel raq apaiq jaq wa hokham shongke raa nguta jaüti mungmaiqse ma, Tatiwe raq apaiq ma jamkho chongkuqtaq bomtsi ka tsangshiq ma wiita chongkuqto.