JEREMIA 42:4 - ASII LAKDAP Bible (BSI) Kiijiishe ngi raq trekang, “Ahea na, ikhiijiika. Ngi raq nashiq Tatiwe, Shiikeawe jaq wa achu mijaü kang. Namshiq raq ngi ma chong lan kra phan phan, kiimaq apaiq raq ngi ma jamlai wa chongjiiq kra namshiq ma michong kang. Ngi raq namshiq ma jamlai bom min dampaü mang michong kuq kang.” Hawa Naga Bible 2001 Ngaz rueq, “Ngoz ruiux kuex vhvlx pinhtumc rvtueq. Nuimshiq rueq ngaz kox wawc thoz phuinx rulc rv-ngvlc Yehowa naungshiq Tishox kox wawc ngaz rueq vjux thoz shaungx. Vpiq rueq jungx shuex htenc kuex ngaz rueq nuimshiq muex jungx kuq phaungx. Ngaz rueq nuimshiq muex yvmx muinz duimx puiuc mauk,” ngoz tueq tvralc tueq. |
Ngi raq tiichhii wan tsütsa ka itsan mong niili ka pangthü mang; Ngi raq ümnaq tsapkapkap jaqsham nai khrum kuqlaü thun ka chongkuq wan kang. Ümsengi mungmaiqse thungtlaq na ngi ka kaiqshak nga mang ümnaq kaphap ramram nai tiipit maü phan mang chan rümtlaü kra chongkang.
Kiijiishe Mosheq raq treto, “Ngi ka ümniirai kiim riiphea wan ri li, ngi raq Tatiwe jaq wa, anap ranaiq niili she longtlaq arka ümnaq, ümsengi ajong alabi, kiimaq ümsengi mungmaiqse ka mibaiq thülaq nguta achu mijaü kang. Shatmaq ümniiraq naishiq ka alao nong mai mak. Kiimaq mungmaiqse ka Tatiwe ma honglu takekai chang kiiwa naq ningtang kiq she.”
Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?
Kra rii na maiq pumsiitek raq apaiq kongtibi nai apaiq ma tanyang senobi ma, ‘Tatiwe raq jamlai bomtsi wa treta? Tatiwe raq jamlai wa nguta?’ nguta khoti bom ka waichang.
Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq.
Ngi raq ümniima jamlai bom wa tiichongki tiikang kra tsangshiq ma michongkuq haü. Tsangshiq raq taitlo, taimak lo. Tsan na tiitsanglaq tsangshiq ka ikiq khü srutinok.
Namshiq raq asap han, ngi raq namshiq ma Shiikeawe bomtsi ka nokwe man na chongkuq wankang akhing na, kiimaq namshiq jam na khum lata shrinkuq wankang akhing na, namshiq ma jamlai phan wa ahea, kra akhiismin dam paü mang phan maq, tiitho tiipha chongphan kuq kang she.
Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.
I phu i notiim lei, ngi ara, i nok i bin Jehudinok phan ara tiichhii wan haü jiidea ahea riichang nguta, i tsan mong na tsihea holai howan lata sitiikang!. Ngi raq tsangshiq miitu ümtinkhan wa tsan tiitsi lata, Shiikeawe jaq wa achu jaü kuq tiikang!
Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.