JEREMIA 42:3 - ASII LAKDAP Bible (BSI) Tatiwe jaq wa nashiq Shiikeawe jaq wa achu jaülaq, apaiq raq nashiq ma nashiq ka ümnü na kai chang wa kra lam mitiichhikuq laq. Kiimaq nashiq raq jamlai phan klo chang wa kra mitiichhikuq laq.” Hawa Naga Bible 2001 Nuiyshiq khuemc juing lvmx nuiyc nuiyshiq rueq shuimc juing yauk shuimc kuex Yehowa nuiyshiq Tishox rueq lvmx mtvkhic kuq phueq vjux thoz kuq koq,” ngoz tueq jungx phuex. |
tsangshiq achu jaü ka ramungtan maq tre laq. Laüta hokhamwe ngarai nai Israilnok mungmaiqse ngarai kra adii riikuq laq. Laüta tsangshiq ma riikhaqli lamlu kli shrinkuq laq. Kra laüta O, Tatiwe lei, armung arjaq ra ka tiijun kuqlaq. Arka ümmungtan, ümniiraq ümsenginok ma pattup tachong hupsam miitu akuq haü kata.
Kra lot latiishe, manglaü wanhiq khum lam na Shiikeawe raq, lam mishea laq nguta, kiimaq nashiqnok ka nyungwe nosere rai, kiimaq nashiqnok tachong huk asam thun hoho tiikai kra, tung alam maq jam min ngusiq mak maq, hansang maq namung na saüho miitu, Shiikeawe man na aranse ma jalaita amaq achu jaü rong i nguta Ahawa chela mong na jürai kitlaq kra kii maq, ngi raq mungmaiqse ma aming kuqkang.
Ngi ma shrinkuq laq, Tatiwe lei, ümniiraq ngi ma jamlai jaq tiisham rowa, laüta ngi tingting lamphan na shunshealaq, jamkhano ngukla ngi ma rewe pahea asi.
Ngi ma shrinkuqlaq, Tatiwe lei ngi raq jamlai shamchang wa, raüla ngi ümwokhong na tsapkapkap misikang; ngi ma shrinkuqlaq wuda kaü ikha ümnaq shomnoq ma.
Phanrap sham akaitek na, Tatiwe rai riiwai laüta sham laq. Kra riihaü la apaiq raq, ümnii ma riikhaqli lam mitiichhikuq.
kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”
Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”
Kiimaq tsangshiqnok raq mingu, “Tatiwe hiqlam kiina warong i, Israilnok Shiikeawe Shomjam kiina warong i. Apaiq raq nashiq ma, apaiq wokhong na siwan, rilung lam mishrin kuq. Krai mren nashiq ka apaiq, lam miphan wan rong i. Jamkhano nguhaüla, Tatiwe lamphan tri ka Jerusalem ma midong, kiimaq apaiq raq Jajon maq asengi ma tsü chongkuqtlo.”
Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?
Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.