JEREMIA 41:1 - ASII LAKDAP Bible (BSI) Kra rawii niili, jipi lümiishi angu na, Nethania se Ishmael kiimaq Elishama ma asaü she, apaiq ka lüwase ashi, kiimaq apaiq rai hokhamwe sengi ajong pinthumbi phongwa weshi krai kongtibi maiq weroqshi shea raüta Mijpa chela na wanghuptiwe Gadalia liiwa nguta wawanto. Raüta tsangshiq tarü adam na dungsea rea lowanto. Hawa Naga Bible 2001 Kvruex raungwawc yapix lex mvshix yac nuex, hokhvmx waruiuz wawc hokhvmx waz piq nolaungx yungx waz Elishama suiuz, Nethania saz Eshmael kuex miq waz rokshiz rulc vdvmz nuex, mungx walaungx waz Gedalia rulc rvhumc kay tvkoc Mizpa nuex kaz tueq. Tsuinghez lotlaz vdvmz nuex phuiuz svy phauk saq wuez yaq, |
Riita Abnar ka Hebron chela niishe saüwa kiita, Joab raq apaiq ka Abnar ma bomhuk chongke ikha tiiman raüta, Abnar ka kilamchong phai tho kriijaq apaiq honhonse she sheahoto. Raüta kriijiili awokpo na jasai maq shuk baiqto. Raüta tsatbaiqto. Arka Abnar raq Joab ma ano Asahel tsattaq kra phuklam she tsatto.
Hokhamwe Ahajia ka tsatto nguta anyung Athalia raq tairi li she, Athalia raq hokham jamti maiq ka kunli tseabaiq raa nguta aming kuqto.
Bebilon mung Hokhamwe Nebukadnejar raq Ahikam se Gedalia, apaiq ma ati mang ka Shaphan ka Juda mung na wanghuptiwe ma shongto. Raüta awokhong na, mungmaiqse Bebilon mung na tsuq wa mak dea tiichongbaiq thütaqti thun kra peng miitu shongto.
Shatmaq kra rawii niili jipi lümiishi she angu na, Nethania se Ishmael, apaiq ka Eliashama ma asaü she, apaiq ka hokhamwe jamti, kriiraq akongti maiq weroqshi sheaho raüta Mijpa chela na kito. Raüta Gadalia ka longkito. Raüta tsat baiqto. Kiimaq apaiq raq kiijaq Gadalia rai sidamtibi Israilnok nai Bebilonianok kra tsatbaiqto.
Hokhamwe Ahajia nyung Athalia raq ase ka tsatbaiqto nguta tsütsa ka tairi li she, apaiq raq Juda mung hokham tahii jamti tiim wa maiq ümchuwa sitlaq kra tiijiip baiq miitu aming kuqto.
Ngi raq tsangshiq ma ahea klo kuqkang, tsangshiq raq ngi ma abi klokuqtlo, ngi raq tsangshiq lungwii wan kangta tsangshiq raq ngi ka angeng khoti riiwanto.
Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.
Khüngati riika tatso wawoli tiipatlo. Shatmaq taksu maiqse riika, nanok raq tsii achong taitlo.
Maiqse tsankhiq ka abi, phanrap shiithen baiqtlo. Shatmaq makshu rashe tsii ka, henghea pinthum she.
Kra tai riitiishe apaiq ka hokhamwe jam na, rung kheti cherewe khok na wato. Kiijaq ajong alabi thun ka rung na anga bala riito. Kiijaq rung cherewe Elishama, Shemaia se Delaia, Akhor se Elnathan, Shaphan se Gemariah, Hanania se Jedekia, kiimaq siihiipbi ahinti thun min tarü kiijaq asi riito.
Ajong alabi raq kra lakdam kom ka rung cherewe Elishama khok na thüto. Raüta hokhamwe rung na wawanto. Raüta tsangshiq raq hokhamwe ma phanrap wiita shokto.
ngi ka hokham jam rinkea khok mong wa tiidong kito. Raüta tsangshiq raq ngi ka Ahikam se Gedalia, apaiq ka Shaphan ma asaü she, kriiwe wokhong na ngi ka aheawiq maq jam na sheathü wan ronglaq nguta aming kuqto. Krai mren ngi ka kiijaq nanok rai she siwan dam kang.
Arjai miishe, Johanan nai phenlabi pengti welabi jurwa Bebilon puk na nyap mak deati thun kra, Gedalia rai riihumkai Mijpa chela na wato.
Riita ngi raq tre mang kangtiishe, Nebujaradan raq nguto, “Gedalia, Ahikam se kiimaq Shaphan ma asaü phana kilaq. Apaiq ka Bebilon mung hokhamwe raq Juda mung na chela thun kra peng ma wanghuptiwe ma shongto. Ümniika apaiq rai sikai mimai, riimakla ümniika ümriiba na kiraü jiiwa ahea miraq nguta ümniiraq tiimatlaü kiijaq sikikiq.” Raütiishe apaiq raq ngi ma kongphiq ashi kuqto. Kiimaq lamsea kuqto. Raüta ngi ka tiiwa baiqto.
Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.
Juda mungti ajong alabi wiijam kiimaq phenlabi wiijam riika Bebilon hokhamwe puk na nyap mak dea. Tsangshiq raq Bebilon hokhamwe raq Gedalia ka Juda mung peng wan miitu wanghuptiwe ma shongto. Raüta Bebilon mung na tsuq wan mak dea mungmaiqse ümchu wa tiichong kitaq miitsan thaq niimin miitsan pinthumti thun kra peng miitu arang kuqto nguta tsütsa ka taito.
Krai mren, Nethania se Ishmael, Karea se Johanan, Tanhumeth se Seraia, Netopha hiq wa Ephai setiim, kiimaq Maka hiqti Jejania thun ka tsangshiq kongtibi thun shea raüta Mijpa chela na Gadalia rai riihumwa wawanto.
Apaiq raq hokhamwe jamti phong wa weshi rai tongshongto. Raüta apaiq ma tongshong tumkham tiinyang raüta, apaiq wokhong na misiha nguta tiitumto. Kiimaq apaiq raq ajong alabi aki miikiimbi ka shumwikong ma tsuq wanto.
“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.