JEREMIA 38:3 - ASII LAKDAP Bible (BSI) Kiimahali Tatiwe raq akha nguto nguta ngi raq tsangshiq ma chongkang, “Ngi raq ara chela ka Bebilon mung phenlabi jaqkhon mong niishe mikuq baiqha. Kiimaq tsangshiq raq chela ka mijii wan.” Hawa Naga Bible 2001 Ngaz rueq tsuingshiq muex jungx tauk Yehowa rueq jungx tueq, “Ngaz rueq ghaqyungx vruex Babelon nolaungx bix muex lekuq gay shaungx, tsuingshiq rueq kvruex ghaq lvp wvnc shuex,” ngoz tueq. |
Ngi raq ara chela arka tiihang kuq mang she dongdii nguta khatan alot wishe. Shatmaq tiibunlak she mishthenbaiqha. Ara chela arka Bebilon mung hokhamwe jaqmong niishe mikuq baiq. Kiimaq apaiq raq arka wa miishe michaqbaiq. Raüta hiqrai mishotbaiq. Arka Ngi, Tatiwe raq chong tiikang.”
Jedekia ma Tatiwe Israilnok Shiikeawe raq akha nguto nguta tiichong hokang, “Jedekia lei, Ngi raq ümphenlabi Bebilon hokhamwe nai apaiq phenlabi rai riikhattlaq kra wiita mikhat baiqha. Ngi raq ümphenlabi raq shamchang ja apiq liq thun kra chela mong na miphong baiqha.
Juwa chela mong niili sitlaq kriiti ka redong na re raq mitsatbaiq. Riimakla ram raq mitsai. Riimakla thadong raq mitsai. Shatmaq juwa chela mong wa dongho raüta Bebilon mungti ümchaü chela khatti jaq mong na maiqmii khum ka kiinong kuqtlaq, kriiti ka re raq tsat mak miraq. Kriiti ka maiqmii miisaqse ka atra mitiichhii wan lot.
Tatiwe raq Dawit raq peng wantaq mungtan kra langti hokhamwe kiimaq ara chelati mungmaiqse, namshiq ma tanyang senobi, namshiq rai munglu shumwikong ma pong mung na tsuq wan dam mak deati miitu jamlai bom wa chongtlaq kra tai ronglaq.
Raüla, Bebilon mungti phenlabi ka hali mijangki nong. Raüta Jerusalem chela ka mikhat. Raüta chela ka mijii wan. Kiimaq chela ka wa miishe michaq baiq.
Shatmaq ümniiraq ümkhum ka tsangshiq ma kiinong kuq maü raüla, ara chela ka Bebilon mungti jaq khon mong niishe mikuqbaiq. Krai mren tsangshiq raq arka wa maq michaqbaiq. Kiimaq ümniimin tsangshiq jaqkhon mong wa lunlot maü mirhaü.”