JEREMIA 32:8 - ASII LAKDAP Bible (BSI) Kiijiishe, Tatiwe raq ngi ma chongtaq kra tiiphanphan, Hanamel ka kiijaq rungkhok na ngi sichang kiijaq saükito. Raüta ngi nangnga wakphu bashi kra rithü laq nguta chongto. Krai mren, ngi riimin taksaqli she riikang arka Tatiwe riidea ngi miitu tiihong thatlo nguta sapkang. Hawa Naga Bible 2001 Kvruex yimaq, Yehowa rueq jungx tueq rulc rv-ngvlc, Hanamel kuex ngaz httax vtaungx khoktep wangx mungx nuex nyuip waung vtueq nax kvruex rez tvkoc wiz waung phuex. Yehowa rueq ngaz muex vsuing jungx phuex kuex ngaz rueq tuiuz tauk. |
Kiijiishe Hokhamwe Solomon raq ramwe Abiathar ma nguto, “Ümniika ümhiqshong Anathoth na walaq. Ümniika atsai thektlaü. Shatmaq ngi raq ümniika ümchaü tiitsat baiqro mang. Jamkhano ngukla ümniika iwe Dawit rai siwan laü pat na, Tatiwe Tongshong Tek kra shiilitiwe riilaü. Kiimaq apaiq raq ümtin khan wa chamchao litkot riihum wantaq kra riisha howan damlaü.”
Kiijiishe, “Ümtiikiiwa ümniika jamcha tapmong shok na tiipaü nyap wa tlaü, kra akhing niitiq misap haü,” nguta Mika raq treto.
Kiimaq Benjamin wang na tsangshiq ma apheakuq chela thun nai chela tro na nyamse dung chang nyiim lung rii wakram thun kra nong nong apheakuq wan ka arthun ara: Geba chela, Alemeth chela, kiimaq Anathoth chela thun kra riito. Arthun ara adam na romshaq tsangshiq weraü siwan chang apheakuq chela thun ka roqshiri atsam riito.
Ara lakdap arka Jeremia raq tra ahokuq man phan. Apaiq ka Hilkia se, Benjamin wang na Anathoth chela na siti ramwebi phong wa weshi,
Kra akhing na Bebilon hokhamwe phenlabi raq Jerusalem ka khat wanto. Kiimaq ngi ka hokhamwe jam rung khok na phaqtek mong na riikang.
Li jiiminla, Tati Rakaü Hiqwe lei, ara chela arka Bebilonnok raq khat raüta ajii wan napnap she taü maq, ümniiraq ngi ma hiqphu ka kiimwebi makki na rilaq nguta aming kuqlaü.”
iwa Shallum se Hanamel ka ngi phana apaiq wakphu bashi Benjamin wang na Anathoth chela na sitlaq kra rilaq nguta tiitaikai mikijo nguta chongto. Jamkhano ngukla ngi ka apaiq rai tashiti. Krai mren tachong hupsam kra ngi raq rilata thüchang nguta asap.
Ngi ka phaqtek rungkhok na sitiikang liipan bala na hali, Tatiwe tsütsa ka ngi phana saüki nongto.
Kra ningkhan na ngi min Jerusalem ka baiqthü lata Benjamin wang nü na awa wan she riikang. Lata ngi rii tachong hupsam kra saiqsam wala nguta wawan kang.
Tatiwe raq ngi ma jamlai wa chongtaq kra klokang. Kra ranaiq ngi raq ihupsam ka munglu wanshawe ikha thop kang. Lata kra ranaiq raji koniishe ijam khetuk kra ijaq maq tiipu wat kang. Lata ngi ka kinphai na donghokang. Nanok wiitarü raq ngi ka chhishat riito. Ngi raq hupsam thop ka iphaq na boqsaq latiishe tiido wan kang.
Krai mren tongshong wantaq bomkha ka kra ranaiq niili diibaiq wanto. Kriithun ka, sku shati nai ariti raq, ngi raq jamlai wa klo wan kang kra shrira liiwanto. Raüta Tatiwe raq ngi lümaq, tsangshiq ma jamlai bom wa chongkuq tlaq, kra tsangshiq raq sapto.
Kiijiishe awe raq atsan na tiitsangto, kra nari akhing niidea Jesuq raq apaiq ma, “Ümse ka mihiaki she,” nguta chongtaq ira nguta sapto. Krai mren she, apaiq rai ajamti tiim tarü raq Jesuq miishe kamwanto.