JEREMIA 32:5 - ASII LAKDAP Bible (BSI) Jedekia ka Bebilon mung na mishea wan. Apaiq kha ka Ngi raq mipho kuqha shaq wiiwii Bebilon mung niili misi. Apaiq raq Bebilon mungti ka khat raü min, apaiq raq tang mak miraq. Arka Ngi, Tatiwe raq toqtan tiikang.” Hawa Naga Bible 2001 Zedekia kuex Babelon mungx nuex shvlx wvnc rvhumc tuex, piq rulc ngaz max rvbomc nyamc wawwawx kvruex mungx kvyuq dvyx httax tuex. Piq rueq Babelon miqsaz khvt ruiux muinz taungx muq. Vruex kuex ngaz, Yehowa rueq jungx vshaungx kvjaz rvtueq ngoz tueq jungx tueq lvmz yvmx ngoz tueq lac jungphvnx tvnx,” ngoz tueq mvrax tvgurc nyvnc yaq nguinx. |
Shiikeawe apaiq kli naishiq Pengti welawe. Kiimaq apaiq ramwebi thun ka paison lerong thun jaq na atsüho ma dorachhaq maq, naishiq ka namshiq khat miitu rechap wan ma khekham maq khetlo. Israilnok lei, namtitiim Tatiwe, Shiikeawe rai naq riikhat rongkiq! Namshiq riika tang man!”
Kiijiishe Shiikeawe wenyi raq ramwe Jehoiada se Jekeria ka rom wanto. Apaiq ka mungmaiqse raq rashra chhili chang hiq ba na chapto. Raüta akhiishe riimto, “Tatiwe Shiikeawe raq namshiq ma akha waitlo namshiq raq apaiq aming thun ka jam nguto jin baiq lan. Lantea namshiq maiqmii khuthaq na chongthum mat dong ka jaram wa tiisaüho lan! Namshiq raq apaiq miimbaiq lan. Kra ningkhan apaiq riimin namshiq ka miimbaiqto she!”
Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.
Namshiq ka Ejip mungti raq tiishaübaiq jai, namjeasitsi ma, namtok ka hiq na kuraqraq lantea jai na mijang wan han. Namshiq kamrai tlan nok thun ka Ngi, Tatiwe raq atiishaübaiq kun she. Namshiq raq tsangshiq jaq wa jamlai lapkai chang min ahü she.”
Kriithun ka Bebilon mung na mitsuq wan. Raüta Ngi raq itsantsii mikuqha shaq wiiwii, kriithun ka kiijiili mitiithü. Kra jai miishetiq Ngi raq kriithun ka ana hali milamho nongha. Lata arjaq hali mitiitsuq hoha. Lata thüchü chang na mitiithüha. Arka Ngi, Tatiwe raq toqtan tiikang.”
“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.
Wiijamti raq Bebilon mungti rai mirkhat. Shatmaq tsangshiq raq re na atsai maiq maa phong kriimaq jam thun kra tuptup mitiima phong. Tsangshiq ka itsankhiq walü heng nyaitlaq kriimaq kunkun mijiipbaiqha. Ngi raq ara chela ka jainong maq ashungthü wishe. Jamkhano ngukla tsangshiq ara chelati raq abi kiimung pahea kloto.
Bom shiiton ngu i, namshiq raq Bebilon mungti ka khat lanta tanghan jiimin, lanta tsangshiq ka asho ami atsi siisaq kli tsangshiq piitiip thun na bum raq raq kriili tiichong raü min, tsangshiq ka tiido nong raüta ara chela ka khat raüta wa maq hihut michaqbaiq. Raüta bot khulai rai mishotbaiq.”
Kra akhing na Hokhamwe Jedekia nai apaiq sengi phenlabi raq kra re nok chela mong na nyap wan kra chhi raütiishe, tsangshiq ka rawa mong na chela mong kiiwa chiimjin juhotlo haijaq nguta manto. Tsangshiq ka hokhamwe petsiro sonruk mong lam maq juhoto. Raüta kilamchong lam kiimaq riita chela ruk wiinai heawea kiimaq juhowi raüta Jordan rai tan na kailam nü nü na juhoto.
Shatmaq Bebilon mungti phenlabi raq Jedekia ka joho raüta, Jeriko chela tho na hiqthung tan kiiwa lohoto. Raüta lapto. Raütiishe tsangshiq raq apaiq ka Hokhamwe Nebukadnejar phana shea wanto. Kra akhing na apaiq ka Ribla chela na riito. Ribla chela ka Hamath chela wang na riito. Kiijaq Nebukadnejar raq Jedekia kha ka pho raüta, tiishutto.
Kra jai miishe, apaiq raq Jedekia mak ponai ka tlat baiqto. Raütiishe apaiq ka Bebilon mung na munglu shumwi ma sheawan miitu jin raü kharü maq tiikhato.
“Apaiq raq ingarai ma thun wiita raüpot weaje thüto. Raüta adam na tushi kha raüta thüto. Raüta kra ngaraitu ka idangkong na paqkuto. Ngi ka kra ngarai ma holai raq, pitlang pitthea tsaiwan kang. Tatiwe raq ngi ka, rejaq na tiishaübaiqto, ngi ka rewe jaqkhon na, kaidi wan kang.
Ümchaü Jerusalem pengtiwe hokhamwe se ka ahupsam thop ka aphaq na pi raüta, rawa mong na tsangshiq raq apaiq miitu athukuq khetuk pu kriimaq achiim jin mijuho. Apaiq raq amak ka khea maq pangshat lam maq, apaiq kaiho chang lam kiimin chhimak miili mijuho.
Shatmaq Ngi raq apaiq tiimin chang chiiq chan lata mikheha. Lata apaiq ka mitiiminha. Latiishe ngi raq apaiq ka Bebilon chela niishe mishea wanha. Kiijaq apaiq ka makchuk maq siraütli she, jam min chhimak miili mitsai.
Shatmaq Juda mung hokhamwe raq kra tongshong kiqkham kra jinto. Raüta Ejip mung hokhamwe phana kumrang kong nai phenlabi pahea tiisheakai kiimwebi tiikito. Riita apaiq raq kra munglap wan nong miitu reshun tlaq ka mitang sha? Apaiq raq tongshong raütu runtlaq kriika mo hohü maq hangkilot mak!
Shatmaq Mosheq raq nguto, “Riita ümchaü namshiq raq Tatiwe kiq ka jam nguto khiitlan? Namshiq raq tang man mirhan!