JEREMIA 24:7 - ASII LAKDAP Bible (BSI) Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong. Hawa Naga Bible 2001 Ngaz kuex Yehowa rvtauk lvmz tuiuz tvkoc, vtuiuz juing thuinz tsuingshiq muex ngaz rueq kuq shaungx. Kvkaq tsuingshiq thuinz vmungx lotlaz maq ngaz kox nuex yek wuez ruex ningkhvnc nuex, tsuingshiq kuex ngvy miqsaz yaungx ruiux, ngaz kuex tsuingshiq Tishox muex yaungx taungx. |
Kiimaq tsangshiq ka kra mung maq ngohea shaq shaq dea tsangshiq ngarai kra tiidii wan raüla, raüta tsam nai tsü tingting maq mra tiidii wan raüla, raüta tsangshiq raq armung ümniiraq naititiim ma akuq haü anü na nyi raüta, kiimaq ara chela ümniiraq atsea wan haü nü na nyi raüta, kiimaq ara Shomjam ngi raq ümnaq miitu haikang ara nü na nyi raüta achu jaü raüla,
Peohea jurwa apaiq aming thun lang raüta sitlaq, jurwa apaiq bom tsantsii wiita kuq raüta langtlaq.
Ngi raq ramungtan thun ka tiikha chan kang, lata hiq tiichap wan chang jamkhü kra phongkang; Ngi raq Jerusalem ma ngutiikang, ‘Namshiq ka isenginok! Ngi raq namshiq ma itri raütu kuqkang she, kiimaq Ngi raq namshiq ka ijaq maq khupwongkuq tiikang.’”
Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.
“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.
Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”
Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.
“Arningkhan, Ngi, Tati Rakaü Hiqwe raq chongtiikang ara tsangshiq ma chongkuqlaq. Ngi raq hali tsangshiq ka pongmung thun na nyinbaiq kang kriiwa adam na mirchom wan nongha. Lata Israil mung hiq ka tsangshiq ma hali mijangkuq nongha.
Ngi raq Israilnok ma akha mo mitiihoha. Kriika tsangshiq raq ngi ka miimthü raüta, tsangshiq ngarai lamphan na kiho raüta, tsangkhum kra tiishebaiq mak chang miitu mo mitiihoha. Tsangshiq ka isenginok miili sichang. Kiimaq Ngi ka tsangshiq Shiikeawe ma mijaha.” Arka Tati Rakaü Hiqwe raq ngutlo.
Ngi raq itongshong raüpot ka ümniirai anye ma hali mitiija wan nongha. Kiimaq ümniiraq Ngi ardea Tatiwe nguta misap haü.
Tsangshiq raq tsang khum ka maiqphai asi sumla phra thun maq tiisheshi mak she miraq. Riimakla tsangshiq raq tsang khum ka ngarai maq tiinam mak she miraq. Ngi raq tsangshiq ka lamlu ümchu no ngarai tang wantaq raüta Ngi ka shishe wantaq kriiwa midok wanha, lata wasetiim miishe mitiijaha. Ngi raq tsangshiq ka atiisii she mirha. Tsangshiq ka Isenginok she miraq. Kiimaq Ngi ka tsangshiq Shiikeawe she mirha.
Ngi ka kiijaq tsangshiq rai adam she misi wanha. Ngi ka tsang Shiikeawe miraq. Tsangshiq ka Isenginok miraq.
Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”
Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.
Shatmaq nashiq raq Shiikeawe ma kechutum chang jonghea sitlo! Akhing ashi na, namshiq ka namshiq tsan na ngarai tsii raq jaü tlaq, kra bom tai lanta, ngarai disetiim ma jawan lanta silan. Shatmaq, ümchaü sanha, namshiq raq tsan atsii kunli kiinong kuq lanta, namshiq ma achongkuq tengteng bomtsi kra lang tlan.
Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.
Riita ija, ümchaü sanha, Ngi raq rawiichii ji na Israilnok ka, I tongshong anye miishe mitiiham nong ha. Arka, Ngi Tatiwe raq chongtiikang. Ngi raq I thungtri raütu thun ka, tsangshiq khutsai na mithii kuq ha, Kiimaq tsangshiq tsan mong na miwaiq kuq ha. Lata, Ngi ka tsangshiq Shiikeawe ma mija ha. Kiimaq tsangshiq ka I sengi ma mija.
Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”