JEREMIA 23:7 - ASII LAKDAP Bible (BSI) “Akhing saü wantlo she,” nguta Tatiwe raq ngutlo, “Kiitiikaq maiqse raq imang chong raüta, Ngi ka atra Shiikeawe tsangshiq Israilnok ka Ejip mung wa tsuq wantiwe nguta tiitumta mak she miraq. Hawa Naga Bible 2001 Yehowa rueq, “Israel miqsaz kuex Ejip mungx wawc shvlc wvnc jix vtvraungx Tishox ngoz tueq miq htenc kuex mkaq muinz kvtuemc muq vkhing httuiuc wvnc yaq. |
Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.
Naqhaikiq, Ngi ümniirai asi! “Shedong mung luhea wa kiimaq shenyap mung luhea wa, Ngi raq ümnok ümta thun ka jam na mishea wanha.
Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.
Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”
Jamlai jiq ngukai, namshiq raq itsiiq inyam ikampho ichaqtum thun run wan lanta namshiq phra sumla shomjam thun na phong wan lan.
Tati lei, man na ümniiraq, naishiq ka Ejip mung wa, tsuq wan laü akhing na, jamkho amao chang, jaqsham pahea klo wan laü, ikhiisii ümchaü min naishiq miitu awang chang jaqsham kuq laq.