JEREMIA 12:10 - ASII LAKDAP Bible (BSI) Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto. Hawa Naga Bible 2001 Mungganc jix vyungx vlaungx bix paunghvlc rueq ngvy svpiq sunc kuex tvbac gay tueq; tsuinghez rueq ngvy nax htenc kuex nyet nuiuz kuq gay phuex; tsuingshiq rueq svp hvlc ngvy mungtan kuex kumtsvy tvnx muex tvyaungc gay tueq. |
Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.
Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”
Naishiq ka, ümsenginok asii maiqsetiim. Jaqlo miitu naishiq jaqtibi raq jobaiqto. Tsangshiq raq ümnaq asii silaitap ka jimaq nishishi nibaiqto.
Mungwelabi mung pengti senaino tiithenti nai mung tiipinbaiqti ma pinthum khapho ranaiq phiiptsi chang asi miraq!
Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.
‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.
Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.
(Bebilon mungti raq Jerusalem ka jiiwan jai maq, Bebilon hokhamwe sengi ajong alabi thun ka wato. Raüta Wang Mong Ba Kilamchong ba na tsangshiq ka thungto. Kiijaq Nergal Sarejar, Samgar Nebo, Sarsechim, kiimaq maiq weshi Nergal Sarejar thun kra ngadamto.)
Hokhambi thun ka tsangshiq phenlabi sheaho raüta kra tro na piitiip mitei wan. Tsangshiq raq tsangshiq tombutiipsetiim ka chela trotam na mihai. Kiimaq tsangshiq loweatek raq maiqmii raq aroroba na piitiip mihai.
Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”
“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.
Skusekong ka arümti ahü kha maq tsangshiq ka wiita rum na apin riikito. Raüta asea raq tsangshiq ka kaqphaqto.
Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”
Tsangshiq ka rathaiq thaiqjong tiisaü latiishe, pongmung pong man thun na tiipan baiq wan kang. Krai mren, ara hiqpo hiqwin mung arka, maiq asiti min ahüshe, hiqmiq changkhü ikhiilishe tiijabaiq kang.”
Namshiq ka mishaq niiphü, kamto maq si rong laq. Kra akhing ranaiq saü raüjaq, maiqmii khum ka jamkhii tiichhii wan chang wa miraq, nguta naq chapa rongkiq.
Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.