JEREMIA 11:7 - ASII LAKDAP Bible (BSI) Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang. Hawa Naga Bible 2001 Ngaz rueq tsuingshiq jix vwaz tamx kuex Ejip mungx wawc shvlx wvnc tauk nuex, ngvy kvjaz phvnc tvkoc ngaz rueq tsuingshiq muex tuemc kuq ruiux khvmc kuq tauk, ngaz rueq majuiuc raungnuiyq nuex httuiuc laz miq htenc muex tvhttoarc vtueq honc tvsvmz kuq vshaungx. |
Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”
Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.
Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”
Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.
“Amon se Josia ka Juda mung na hokham jawan li maq wiiroqshi ri wiitsam she angu na kriimaq phawan lata, ümchaü ranaiq niitaq saüli, wiiroq nai ri wiitsam she, Tatiwe raq ngi ma apaiq bomtsi chongkuq wanto kriika, ngi raq poshi min tlea mang maq, namshiq ma tsapkapkap chongkuq wan kang. Shatmaq namshiq raq tsantsii kuq man riilan.
Tatiwe riika apaiq jaqshisetiim shammibi tiikiruq raüta namshiq ma apaiq bomtsi tiichong kuq wanto. Shatmaq namshiq raq apaiq bomchong ka taiman riiwan lan kiimaq tsan na shaq wan man riilan.
Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.
Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.
Tsangshiq wokhong na dise ma jaraüta Jehudinok phan wa jurwa wiitrok she tsangshiq jaqsham kuqtaq, kriiti ka rawii wiimiishi she dong wantlaq akhing na atiidong baiq ratlo nguta aming kuq kang. Shatmaq namtitiim raq, Ngi raq chongkang ibomtsi kriika brorii mak shishe wanto. Kiimaq tsan na shaq wan mak riito.
Jonadab saüse phan raq apaiq tsiichong bomtsi ka lang wan raüta, tsangshiq raq che nyangmak sitlo. Ümchaü ranaiq na saüli tsangshiq phongwa weshi ra riimin che ka nyangmak pentlo. Shatmaq Ngi raq namshiq ma tsii chongke ka tsaq mang phan chongkuq wan ruq chongkuq tiikang. Shatmaq namshiq raq ibom ka lang man tlea tlan.
Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.
Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.
O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.
“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.
Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.
Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.
“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.
Tatiwe üm Shiikeawe ka lungwiilaq. Laüta apaiq wokhong na silaq. Kiimaq apaiq bom ka tsapkapkap maq tailaq. Kra riihaüla, ümnaq nai ümsaü ümsetiim ka apaiq raq ümtitiim Abraham, Isak, kiimaq Jakob ma mikuqha nguta kiq kham kuqtaq mung kiijaq rilung alu maq mishong nga wan haü.”
Kriithun thungtri ka tsapkapkap maq lang ronglaq. Kra klo han jiila, maiq mung phan hintinok raq namshiq ka taksu maiqsenok dea nguta michhi. Kiimaq tsangshiq raq arthun thungtri kra tai raüta, tsangshiq raq, ‘Ara mungti arka pinthum taksu kiimaq phaqchi jonghea phan maiqse!’ nguta mingu.
Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.
Namshiq ka atra sitlan wiiwii, namshiq kiimaq namsaü namsetiim raq Tatiwe namshiq Shiikeawe ka shreng lanta kiimaq ngi raq kuqtiikang thungtri raütu thun kunli kra lang lanta sironglaq. Kriika namshiq kra mung na pat aku mit asu maq singa wan miitu.
Kra ningkhan, Tatiwe raq namshiq ma jamkho aming kuqtaq kra phan phan jaq ka sham ronglaq. Apaiq aming raütu thun na jamkho chongtlaq kra lang lanta shongnga ronglaq. Lanta apaiq aming wokhong na sirong laq.
Tati Jesuq Khristo mang maq, kra roknin riishin kong haisiq tlaqti ma, naishiq raq ara aming tat tiikai ara ümtai laq. Raüta, tsangshiq ka, maiqmii minshiiq shiichaq raüta, howe minwe ma mija laq. Raüta, maiqmii rilung ka ahea wiq maq mitiidung hiq wan laq.
Kra ningkhan tsangshiq bom ka taikuq laq, shatmiitiina, hokham raq tsangshiq ka jamkho mijamsha wan kra bomtsi ka atsidada maq chongkuqlaq.”