JEPHANIA 2:5 - ASII LAKDAP Bible (BSI) Namshiq Philistainnok lei then lan she. Sammoktra chumkii na sitinok lei, Tatiwe raq namshiq ka ashra baiqwi she. Apaiq raq namshiq ka mishthenbaiq. Namshiq phongwa ashi min tiichong mak she miraq. Hawa Naga Bible 2001 Philistin miqsaz htenc lex, svmuktvrax kawx nuex httaz jix Kerathi miqsaz htenc lex, nuimshiq kuex vphoc rvhumc vtuinx. Yehowa rueq nuimshiq muex murx tvgurc tvkoc htvp htaz tueq. Vpiq rueq nuimshiq kuex tvbac gay kv-phuinx nuimshiq vshiz muinz kvjungx tuinx rvmuq. |
Philistain mungti lei, namshiq tseachang chongwai ka angoq she riikito. Shatmaq namshiq chochi chang ka ahü. Paü kaü ashi kra tsaikai jai ka, kriithaq na bihea kaüshi hali dong wantlo. Raüta tiisong watlo. Paütai poshi kiiwiika wrakong prenkaü she tho nongtlo.
Tatiwe ka asenginok miitsan maiqse phong khuthaq na sku rümtiwe miishe mija. Raüta tsangshiq ka awokhong na hansang miishe mirüm wan. Shatmaq apaiq raq namshiq Philistainnok mung niika ramdong henghea mitiidong. Kra ramdong raq namshiq ka weshi min atra tiichong mak miraq.
Shatmaq apaiq nii ka jamkho mitiitsak, Ngi raq apaiq ma jaqsham asi kuqkang? Ngi raq apaiq ma Ashkelon chela ka khat laq nguta aming kuqkang, kiimaq khamjong chum kii na siti maiq hiq thun ka khat laq nguta aming kuqkang.”
Kriikha na, Ngi raq tiitaitiikang, Ngi raq Philistain mung ka mikhat wanha. Lata tiisiirai botkhulai rai mishotbaiqha. Ngi raq Philistain mung na maiq abung atra atiichongki thun kra weshi min tiichong mang mijiip baiqha.
O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.
Riita, ija, Israilnok lei, ümchaü san ngi raq namshiq ma mahoshi ashi shikuq pha. Namshiq raq ara samhea tiitsang tairong laq:
Ara taihan jiila, maaho manyi hoqtrang ronglaq, namshiq chela mai na siti, jamkhano ngukla, laopanbi thun wiita atsaikai kun she miraq!
Tatiwe raq ngutlo, “Ngi raq pong mung thun tiithum baiq kang. Tsangshiq chela thun runbaiq kang she. Tsangshiq peruk thun nai kongmong chong thun, tiibun baiq kang she. Chela thun ka hiqmiq changkhü she; Chiiheawea lam thun ka shaqmiishe. Maiq ka jumin ahü she.
Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”
Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.
kiimaq riita shemai nü na Awim wang kra. (Ejip mung hiq rai na Shihor jürai maq pha raüta, shekhu nü wang na Ekron chela na saüli ka Kanannok hiq nguta ngutlo; Philistainnok hokhambi ka, Gaja, Ashdod, Ashkelon, Gath, kiimaq Ekron chela thun na sitlo.)
Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.
Naishiq raq Juda wang wa shemai nü nü na sitlaq Cherethaiqnok hiqshong binjü kra kiimaq Kaleb hiqshong binjü kra, khatkai. Kiimaq naishiq raq Jiklak chela kriika wa maq tiibunlak chaqbaiq thükai.”