ISAIA 26:1 - ASII LAKDAP Bible (BSI) Ranaiqshi akhing misaü wan, kra akhing na Juda mungti raq ara mishinge: Nachela ka ningkun aheng! Shiikeawe apaiq raq chela tro ruk thun kra tiiwongtlo! Hawa Naga Bible 2001 Miq htenc rueq Yuda mungx nuex vruex shic kuex shic ngoyc raungnuiyq httuiuc wvnc tuex: Naungshiq ghaqyungx kuex phaungx ngaungx hvlc! Tishox vpiq pumz maq kvruex palx ruk htenc kuex tvwungx kuq yaq! |
Kra raüta, tsangshiq raq tsangshiq dang ka riido riipan raütiishe, Tatiwe tiitsam kam wan nai Tatiwe shomra wan kechutum wan akhiishe shinge wanto: “Tatiwe ka ahea pinthum, Kiimaq Irsailnok miitu apaiq, lungwiitsii ka pattup siruq miraq.” Tsangshiq wiitarü raq pinthum tiihong raüta, Tatiwe ka tiitsam kam siq wanto. Jamkhano ngukla Shomjam hai wan chang jamkhü na khamlawetiim shong wan chang ka sürii wanto she.
Tatiwe tiitsam laq! Apaiq raq ngi ma amao chang lungwii tiichhikuqto ngi ka re raq kom wan raüta long wantaq akhing na!
Shiikeawe senginok lei, Jajon chela tro na khum ronglaq lanta kinkhe chang kongmong chong thun kra wea ronglaq;
Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.
Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.
Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.
Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.
Kriishe kupi wan raüla, maiqse wiitarü raq akha mingu, “Apaiq ka nashiq Shiikeawe! Nashiq raq apaiq ma kamwankai, kiimaq apaiq raq nashiq tiiwongkuqto. Apaiq ka Tatiwe! Nashiq apaiq ma kamtiikai. Krai mren ümchaü naishiq ka chochikhiq she sitiikai. Kiimaq khoqriiq shishiiq she sitiikai. Jamkhano ngukla apaiq raq naishiq ka tiichhiikuqto.”
Wushikaü raq achu mong wa asetiim ka awokhong na pangho raüta tiiwongtlaq ikha, Ngi Ajong Pinthum Tatiwe riimin Jerusalem ka mikhup wongkuqha. Kiimaq mitiichhiikuqha.”
Tsangmung pengti hokham ajongwe ka phiip raq tsai raüta aju mir wan. Kiimaq phentubi thun kiimin phiip raq mitsai. Kra ningkhan tsangshiq raq rekhat tanglap kii thun kiimin baiqthü raüta mipin wan.” Arka Tatiwe raq toqtantlo. Jerusalem na shomnoqtlaq Tatiwe raq raq ngutlo. Kiimaq apaiq raq achaq wa ka kiijaq na honglu take miitu nyaishat nyaitlo.
Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.
Raüta mung ka mungtsing maq miriim wan. Apaiq raq asenginok ka wranaiqshe tiiwongkuqtlo. Kiimaq tsangshiq ma taksu tsü kiimaq anyan phaqchi kuqtlo. Tsangshiq ma tsiiq tum ajong pinthum ka tsangshiq raq Tatiwe shrengtlaq kra.
Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.
Taironglaq ngi raq namshiq ma ara shikuqpha, arka ikongtiwe nai apaiq spiqro shi: Ikongtiwe raq spiqro ashi chhito; hiqpo hiqwin hiqlam na.
ümmang chong ka i Shomjam na mitiitsang wan. Kiimaq isenginok phong na rawii luhea na saüli tsan na mitiitsang wan. Kriika ümniiraq ümse maiqwe sere nai jechak sere asi nguraü jaq ümtin khan tiitsang wan chang wa kra thaq na rahiq alu mitiitsang wan. Ümniika ümtiikiimin laqbaiq mak she miraq.”
Jasam piqsii trang ka ahü she miraq; Athen ajen raq ümmung ka tsaihü jihü tiijabaiq mak she miraq. Ngi raq ümniika khetuk ikha tiichhii lata mitiiwongha; Ümniiraq Ngi mitiitsamhaü jamkhano ngukla Ngi raq ümniika tiichhiikuq kang.
Jerusalemti lei, chela kinphai na kironglaq Kiimaq namshiqnok pongmung wa jang wan tlaqti kra wa ma lam ka thu ronglaq! Mung lamjong kaü tiije ronglaq; lam wa long ka dobaiq ronglaq! Lanta lamhum na miithii shong ronglaq Maiq thun raq lam ka misaplaq
Arka Tatiwe raq mangjong tlotli ma tiitaitlo; “Jerusalemti ma chonglaq, Tatiwe ka ümnaq tiichhiikai kitlo, Apaiq raq chhii wantaq maiqse thun apaiq rai shea raüta.”
Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”
Ngi raq jamlai wa chhikang kriika Shomjam riito. Kiimaq kriika trotam na kiitelong maq aruk riito. Kra maiqwe raq lairap shinchang kii ka ajaq na sham shat riito. Kra pekii ka alu nü na mitar tsam. Kiimaq maiqwe raq ruk ka ashin riito. Kra ruk ka adiilu nü na mitar tsam. Kiimaq ruk ka athea nü niimin mitar tsam riito.
Tatiwe raq apaiq klishe Jerusalem chela tro na walütu peruk ma mija. Raüta chela ka mikhup wongkuq. Raüta apaiq phung ngao jonglu maq ali aliim she misi wan,” nguta rase raq chongto.
“Tatiwe apaiq raq namshiq ka mikhat. Raüta man na namshiq raq jamsha lan isenginok raq namshiq kriishe mikhat wan. Raüta namshiq tsiiq chong nyamchong thun wiita mitsuq wan.” Ümtiikiiwa riisham bomchong arshe kup wan jiiq, kra akhing na Tati Ningkun Ajongwe riidea ngi ka tiikito nguta wiitarü raq misap wan han.
Kra akhing na Israilnok raq ara shingeto: “Khappong thun lei, namshiq kham ka tiidong ronglaq. Kra riihanla naishiq raq namshiq ka ashi ange mitao wankai.
Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.