Hosea 8:4 - ASII LAKDAP Bible (BSI) “Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito. Hawa Naga Bible 2001 “Ngvy miq htenc rueq tsuingshiq thuinroc hokhvmx bix kuex thvl tvduiz wuez yaq. Tsuingshiq rueq vyungx vlaungx bix thvl taq ruiux muinz ngvy thuinroc kuex rvmuq. Miqmac kuimshawx kuimphox maq yac yuimx htenc kuex tvhungx guirx vtueq miqmac bac wvnc juing lvmx kuex tsuingshiq yauk maq kvguirc wvnc yaq. |
Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”
Apaiq raq ara ngarai bihea klo wantaq arningkhan na apaiq aweraü khuthaq na chongthum ma jawan chang ngarai lam klo wanto.
Apaiq miika Jeroboam raq ümchuwa ngarai klo wantaq kriika hongmak. Kriithaq niimin tiinanpot she, apaiq raq Sidon chela Hokhamwe Ethbaal se Jejebel kriishe lamto. Raüta Baal sumla phra kriishe shomnoqto.
Riita maiq weshi raq apaiq phra ka mitiiqlot shea? Lot mak. Apaiq raq klo raüka, kriika riikhaqli phra kong ka riimak.”
Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?
Hokhamwe Nebukadnejar raq chaq maq maiq sumla ashi tloto. Adiilu nü na mitar roqnai ri mitar miishi. Ajong nü na mitar tsam tin riito. Raüta apaiq raq kra sumla ka Bebilon mung na Dura tan na tiinga shongto.
Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.
Namshiq ma hokhambi shongkuq kang, tsankhiq tsi ma tsangshiq tsankhiq wa maq hali, tsangshiq chaqbaiq kang.
Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!
Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.
Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.
Shatmaq, apaiq raq namshiq bom ka, ‘Ngi raq namshiq ka jamba wa awa han wa sapmang. Ngi tho wa namshiq ka tiibin tlo ronglaq. Namshiq wiitarü ka abi maiq setiim siisaq!’ nguta mitre.
Shatmaq, ngi ka amakshaq sku rümtiwe. I We raq itsan i tsii ka jamkho sap tlaq, kiikhiisii hali, ngi riimin, i We tsantsii ka asap ha. Kiikhiisii hali, ngi raq i skuse kong tsantsii kiimin asap ha. Kiimaq i skuse kong riimin ngi ka asap. Krai mren, ngi ka tsangshiq khupi miitu atsai kham tiikang.
Shatmaq, ümchaü ka namshiq raq, Shiikeawe sap lan she. Riita, akha riiwe ngu i na, ümchaü sanha, Shiikeawe raq namshiq ka sapto she. Namshiq raq Shiikeawe mangchan ka atinkhan she sap lan taü miimin, ümchaü she hali, namshiq ka thawe makchuk we puk na nyapki nong lanta, thawe disetiim ma jakai nong sha dan tlan ngu kai?