Hosea 6:5 - ASII LAKDAP Bible (BSI) Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang. Hawa Naga Bible 2001 Kvkhoc rvtueq ngaz rueq ngvy shvmmax bix kuex nuimshiq kox nuex tvkaz vtueq, nuimshiq muex khac phoc kuy lvmz nuiyc tvbac gay shuex lvmz bomjungc kuex tvjungx kaz tauk. Nuimshiq kox wawc ngaz rueq roc shaungx phvnx kuex raungshuex raung maq kvkhic thuiyc yaq. |
Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”
Shatmaq ümtiikiiwa Ahija raq kriinyung saükai ka kilamchong niishe atrang ka tai raüta, apaiq raq nguto, “Warea jam mong na. Ngi raq asapha ümniika Jeroboam tanyung. Ümniika maiq ahinti nguta jawa tiihaihiirai tlaü? Ngi raq ümniima tsütsa ka abi tiitai chang asi.
Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”
Krai mren Ahab raq Elija ka chhi raüta, apaiq raq akha nguto, “O Israil mung na pinthum mungbrak shaqtiwe ümniika arjaq nya!”
Juwa Hajjael raq tsatlap mak dea jutlaq, kriiti ka, Jehu jaq niishe mitsai. Kiimaq juwa Jehu raq tsat lap mak dea jutlaq, kriiti ka Elisha riishe mitsatbaiq.
Kiimaq apaiq ma akha nguto, “Tatiwe raq ümniima akha ngutlo: ‘Ümniiraq Israil mung na shiikeawe ahü ikha, Ekron chela riimti phrakaü Baaljebub phana teitlangkaitibi tiikilaü kriikha na, ümmitsi ka heamak she; ümniika atsai she mirhaü!’”
Shammiwe Elija raq Jehoram ma lak ashi akha waiq raüta tiihoto: “Tatiwe, ümti Dawit Shiikeawe raq ümniika tiishut tlo. Jamkhano ngukla ümniiraq ümwe Jehoshaphat jai phan maü. Kiimaq ümti Hokhamwe Asa jai min phan maü.
kiimaq apaiq ka ranyaq mong wa lun wan lot mak she miraq. Apaiq ka pechong ashi akü ako thun ka wa maq achaq baiq wishe ikha miraq, apü alii thun ka wiita rahai raq apan wan wi she ikha miraq.
Ibom chong ara tai ronglaq, namshiq maiq asap atsintitiim raq! Ningkun Ajong Shiikeawe raq ashut miklo shea?
Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.
Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!
Ümchaü ranaiq ngi raq ümniima maiq mung thun nai maiq mungtan thun sitlaq kra arangchong maq babaiq wan miitu kiimaq arunbaiq wan miitu, tiithenbaiq wan miitu kiimaq hokham ngachang wa tiidea baiq wan miitu, lata ahai wan miitu kiimaq acham ka chhi wan miitu arang kuq tiikang.”
Tailaq, Jeremia lei! Armungti maiqse angu kunli— Juda mung hokhambi, siihiipjongbi, ramwebi, mungmaiqse thun ka ümnaq ngengti siisaq miraq. Shatmaq ümchaü ranaiq Ngi raq ümniima ningkun kuq tiikang tsangshiq kra towan miitu. Ümniika chela trotam maq kiitelong maq aruk ikha, chhechha lot mak miraq. Kiimaq ümniika jinkhamchong ashong ikha miraq. Kiimaq miiki ngam maq alo khetuk ikha miraq. Tsangshiq raq ümniika tang mak miraq. Jamkhano ngukla Ngi ka ümniirai nongshnong mirha lata mitiichhiiha. Arka Ngi, Tatiwe raq ngutiikang.”
Kiijiishe ümniiraq tsangshiq ma chongkuqlaq, Ngi, Tatiwe raq armungti ka che tiibak nyang lata wok phetaktak, che maq mitiichokha. Hokhambi thun, Dawit saüsetiim thun kra. Kiimaq ramwebi thun kra kiimaq shammibi thun kra kiimaq Jerusalemti thun kra che maq mitiipheha.
Ngi raq ümniika longkaü ikha phataqtaq atiimeshi maimak mitiijabaiqha, longseng ikha tsinhea mitiitsinbaiqha. Tsangshiq ikiq khiitinok kriimiika naqhaikiq.”
“Maiqse lei, Ejip mungti mungmaiqse pahea maaho hoqlaq. Tsangshiq ka maiq mung thun pahea ningkun jongheanok rai wulum mung na tiikibaiqlaq.
Ara riisham makchhi arka man na Shiikeawe raq Jerusalem tiithenkai kitaq lak na kiimaq ngi raq Chebar Rai kii maq chhikang kiikha riito. Kiijiishe ngi ka hiq na bumki tlii riikang.
Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.
Mosheq raq kra chhi raüta kai amao riito. Kiimaq walü tu ka samhea aje lin maq liila nguta, apaiq ka walü rai tlaq rumtam tho na tiisotto. Kiijiishe, apaiq raq Tatiwe bom ka akha taito:
Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.
Kiimaq Shiikeawe raq namshiq ma tiichhii wan rilung kuqtaq kra, ahea wiq maq saiqsam ronglaq. Kriika namkhupo tiiwong wan chang jinkhuphok. Kiimaq Asii Wenyi raq namshiq ma akuq, Shiikeawe bomtsi ka nepja rekhat chang kra, apha maq khon lanta sham ronglaq.
Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.
Ajaq jaqtsi nü niika, raiqsaiqpo miishi shamtlo chhikang. Kiimaq anübok miika, nepja siimhap ri na aniq asi, sihea dong tlo chhikang. Atheaphi ka rashe ranaiq shethung bala kiirai tlaq ikha, henghea lirai tlo chhikang.
Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.
Krai mren, kra raseblai ka diibaiqto. Tsangshiq ka ara mangjong hiq wa maiqse angu kiiwa mantsam wa manshi ka ümchaü rawii, ümchaü jipi, ümchaü ranaiq, ümchaü nari akhing na tiitsea baiq miitu, kharü maq kha raüta tiijeje dongdii athü.
Kriithaq niimin, tsangshiq raq maiqtsattaq mat kha, tsangshiq raq maiqwuq maiqlong wantaq kha kiimaq sethoq sepii jawantaq kha, kiimaq ahuk arot jawantaq kha thun ngarai ka tiidii mak dea riito.
Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.
Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.
Kiijiishe, Samuel raq, “Hokhamwe Agag ka ana iphana sheawa rongkiq” nguta aming kuqto. Krai mren, Agag ka apaiq phana ahaisitsi ma tiikhai rokrok kito. Atsan mong na, “Maiqjaq na tsai ka akhap pinthum!” nguta tiimato,
Kiijiishe Samuel raq nguto, “Ümnepja raq anyungre pahea sehü nyungre ma tiijabaiqto. Krai mren ümchaü sanha ümnyung kiimin sehü nyung miraq.” Raüta apaiq raq Agag ka kiijaq Gilgal chela na berong-wacha khaki na tiipantrok chumbaiqto.