Hosea 4:12 - ASII LAKDAP Bible (BSI) Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto. Hawa Naga Bible 2001 Tsuingshiq rueq pulx htaq vshiz wawc romzyac htenc thoz yaq nyix! Tsuingshiq rueq vtuiuz roc phvnx kuex janx htaq vshiz rueq jungx kuq yaq nyix! Tsuingshiq kuex ngvy kox wawc kaz wvnc wuez vtuex. Mephex nyuiuz yaungx yaq yalxjuik nyuiuz shiz ikhoc, tsuingshiq pumz htenc kuex vganc tishox htenc muex lekuq gay wuez tueq. |
Samaria chela re jaq na dea wantaq kriika Israilnok raq Tatiwe tsangshiq Shiikeawe tsangshiq ka Ejip mung hokhamwe jaq khon mong wa tiichhii wantiwe, raüta tsangshiq ka Ejip mung wa tsuq wantiwe man na ngarai tang kha na thento. Tsangshiq raq laihin phra thun shomnoqto.
Kra rii na ümniiriika Israil mung hokhambi jai khoti phan tlaü. Laüta ümniiraq Juda mungti nai Jerusalemti ka Shiikeawe wokhong wa dongho raüta lamjiq niishe sheaho laü. Arka Ahab nai apaiq jai wa hokhambi raq Israil mung ka Shiikeawe wa lamjiq na sheahotaq kiikhiishe sheaho laü. Ümniiriika ümnotiim thun min wiita tsat baiq laü. Tsangshiq ka ümnaq nam ma maiqshaq wetiim shatmaq tsatbaiq laü.
Jurwa ümnaq shishebaiqtlaqti thun ka tengteng athum mirki; ümnaq tsapkap makti thun ka ümniiraq mitiithenbaiqhaü.
Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?
Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.
Ngi raq Samariati shammibi ngarai phong ka chhikang she; tsangshiq raq Baal phra mang chong raüta riisham bom chongto, raüta isenginok ka lamjiq na sheahoto.
Namshiq raq namtsan mong na, namshiq kiimin nanok pongmungti thun jamkho sitlaq kiikhiisii misi rong i nguta, athapthi wan kun she. Pongmungti thun jamkho pechong thun nai longkaü thun kra shomnoq raüta sitlaq kiikha shonga wan miitu namtsantsii ka atiinyi wan kun she. Shatmaq kriika ümtiikiimin hongwa mak miraq.
Bebilon hokhamwe ka kra lamhum riiphea chang miithii tiishongtlaq ba kiijaq chap raü miraq. Apaiq ka ümnii lamti maq kaichang wa kra sap miitu, apaiq raq liqsin kiite kra shan raüta abai miraq. Raüta apaiq raq apaiq sumla phra thun krai bom ka riiwaitlo. Raüta ngam ka ta raüta ngamtsan kriimaq lang ka liitlo.
Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”
Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.
Isenginok Israil raq, chonglot maichang, abi ngarai pahea tangto. Raüta ashe ashi maiqse jakito, kriika phra sumla noq riito.”
O, Israilnok lei, thatsang maiqse raq lang tlaq ikha, poi naq lang rongkiq. Namshiq ka Shiikeawe wokhong wa dongho lan. Lanta mephe-nyungre ikha sitlan. Israil mung tlotli na namshiq raq, Baal phra raq namshiq trong wintlo nguta, apaiq shomnoq tlan!
Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.
Ngi raq ipumsii maq kriiwe ka mingengha kiimaq apaiq jamti wiitarü kiimaq apaiq rai kongshi maq pong raüta, Ngi shummiitaq raüta Molekh shomnoq wantaqti thun ka mingengha. Ngi raq tsangshiq ka isenginok nguta wea mang she mirha.
“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.
Phiiptsi chang jo, ümniima! Pepan nang nga, “Akonwa samlaq” nguta hea tlaü! Longkaü nang nga, “Tiido laq!” nguta hea tlaü. Phra Sumla raq ümniima, shammi bom michongkuq shea? Arka chaq ngam nai kampho ngam maq li alorat, akhum na tsitsü ahü.
Ara kheani nyamtu paqtlan thun arka namshiq ma tsan na tiitsang shat thü wan miitu miraq. Ara chhitlan akhingtek na, namtsan na Ngi raq akuqha aming thun kra mitiitsang han. Lanta kra aming thun ka milang han. Kra riihanla namshiq ka iwokhong wa ahin na juho man mirhan. Kiimaq namshiq raq athithi lam phan na kiimaq namshiq raq aroro lam phan na kiho man mirhan.
Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.
Tsangshiq raq apaiq ma chongto, “Mangchan laüta, naishiq wanhiq khumtiikai ara mi-ong hai shea kra miitu Shiikeawe ma wailaq.”