Hosea 2:13 - ASII LAKDAP Bible (BSI) Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo. Hawa Naga Bible 2001 Piq rueq ngaz kuex lauk gay ruiux Bala muex vhomc vtumc jauk vtueq piq pumz kuex lungsex htenc maq kvmarc khak ruiux, piq rvlungwawc yaq hez yix nuex phvnx wvnc tueq vkhing kvruex tvkoc nuex murx tvgurc shaungx. Yehowa rueq vjungx kvjaz rvtueq. |
Kiimaq Israil mung Hokhamwe Ahajia ka Samaria chela na apaiq hokham jam wukhu rinchü maq dea wa raüta tsihea tiibukto. Kra ningkhan apaiq tsi ka miheaha shea hea mang wa nguta Philistain mung wa Ekron chela na siti phrakaü Baaljebub phra phana maiq teitlangkaiti tiikito.
Awe Hejekia raq thatsang chang hiqba thun tiithenbaiq wantaq kra apaiq raq hali tiihea hai nongto. Apaiq raq Baal phra noqchang berong-wacha thun haito. Raüta Israil mung Hokhamwe Ahab raq klotaq kiikha apaiq riinin jechak phra Ashera sumla thun kra haito. Kiimaq Manase riika raiqsaiq thun min shomnoqto.
Shiikeawe sap makti maiqsetiim ka kra tingjangro jungkitlaq kiikha jungkitlo; Shiikeawe she laqbaiq raüla, tsangshiq ran phan ka khoiki saqli.
Shatmaq apaiq raq jaqsham kuqtaq kra jaqloli tsangshiq raq laqbaiqto, kiimaq apaiq tsiichong khemak tsangshiq raq athithi jaq shamto.
Tsangshiq raq Shiikeawe tsangshiq chhiiti laqbaiqto aningkun aheng maq Ejip mung maq chhiito.
Apaiq raq jamlai jaqwa shamkuqtaq kra tsangshiq raq alaq riibaiqto, apaiq raq amaochang jaqsham wan chhitaq kra laqbaiqto.
Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”
Israil lei, ümniiraq Shiikeawe, ümnaq khup wongketiwe, longkaü jonghea kaü wokhong na atiipaüwa ikha, ümnaq khup wongketiwe ka laqbaiq laü she. Apaiq shomnoq wan rii na, ümniiriika asii sonruk setiim she klo wan laü. Laüta kiijaq pongmungti sumla phra kriishe shomnoq tlaü.
Tsangshiq ngarai thun nai tsangtitiim ngarai thun kra miitu. Tsangshiq raq kin na thatsang berong chong thun na homseng honglu kuqto. Raüta Ngi ma ngengseng bombi kiqsü kuqto. Kriikha na Ngi raq tsangshiq ka man na ngarai ümchuwa tang wantaq kra phan phan mitiicham chaoha.”
Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.
Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.
Junrii nyung ashi raq laktum longseng maq ashaü kra milaqbaiq shea? Riimakla junrii nyung ajunwa akhing na ariihun miirii ka milaqbaiqlot shea? Shatmaq isenginok raq Ngi ka rahiq pahea awealot mai chang khan laqbaiqto.
Tatiwe, Israilnok Shiikeawe raq, mungmaiqse aheawiq maq peng wan chang wa pengtsü makti welabi ma akha khatan kiq tiidea wanto: “Namshiq raq isenginok samhea rüm wan man riilan. Namshiq raq tsangshiq wiita tiipin jinbaiq lan. Namshiq raq abi klo lan kha na ümchaü ngi raq namshiq ma mo she mitiihoha.
Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.
Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.
Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.
Ümchaü nyungwere ka, ngongthun chang ba chela kilam chong na, ngamak she. Kiimaq jetu jerobi riimin shishun mak she,
Ngi raq ümniima khü na pachang jaqtop kiimshi kiimaq niti thun kuqkang. Kiimaq ümniima ümkhu na phok chang tsomhea hokham nyung khuphok kuqkang.
Kiimaq Ngi raq akuqha kampho nai chaq laktum thun kra lamho laüta, maiqwe kaütiim sumla phra hai laü. Laüta tsangshiq rai sethoq kiicham laüta siwan laü.
Ümsenginok wiijamti riika maiq raq raikao tat raüta maiq tiitsattlo. Maiq wiijamti riika maiqmii mungti Israilnok ma kampho tiinam kuqtlaq kriithaq na amet jaütlo. Tsangshiq kra nanshanshan raüta chiithe ma jatlo. Tsangshiq raq Ngi ka alaq riibaiqto.” Arka Tati Rakaü Hiqwe raq ngutlo.
Riita ümchaü, Tati Rakaü Hiqwe raq akha ngutlo: “Ümniika iwokhong wa dongho laüta, Ngi ka laqbaiq laü kiimaq jainong maq shungthü laüta sethoq jatlaü kiimaq mephe jatlaü kra khaniishe ümniika michamchao haü.”
Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.
Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.
Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.
Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo
Apaiq raq akongtiwetiim jai ka mijoho. Shatmaq tsangshiq jai ka lomak miraq. Apaiq raq tsangshiq ka mirit. Shatmaq tsangshiq ka hummak miraq. Kiijiishetiq, “Ai ngi arka, iwese wechüwe phaniili jang wan nong chang miraq. Man na ngi apaiq rai siji niika, khusang rakhang maq sikang. Shatmaq ümchaü ngi ka naolaq she,” nguta apaiq ka mitiibot.
Tsangshiq raq ku akin thaq na, thatsang chang hiq ba kiijaq, honglu pahea kuq tlo, putsok chong, laqtsi chong, kiimaq manjong chong ji na, homseng honglu chaq raüta, noqkitlo! “Arkha na, namse jechaksetiim, mephe-nyungre ma jatlo, kiimaq nam-nam-nyungtiim sethoq sepii jakito.
Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.
Israilnok raq tsangshiq sichang jam ka, hokham jamkaütiim ikha hai wanto. Shatmaq tsangshiq Phansangtiwe ka laqbaiqto. Juda mung raq chela thun tei wanto. Chiqse rewe tiiwong ma, chela tro tam maq kiitelong rukto. Shatmaq ngi raq wa maq michaq baiqha. Tsangshiq hokham jam thun wiita, tsangshiq chela thun butja,” nguta Tatiwe raq ngutlo.
Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.
Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.
Tsangshiq raq tsang Shiikeawe, ningkun henghea riimti chiitiwe laq baiqto, tsangshiq ma tsitsü ketiwe apaiq riito.
Kra akhing na namtsan na tiitsang dada thüshat ronglaq, namshiq raq Tatiwe, namshiq ka Ejip mung na dikong sitlan kiiwa dokda wantiwe kra naq laq rongkiq.
Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.
Israilnok raq tsangshiq Tatiwe tsangshiq Shiikeawe ka laqbaiqto. Tsangshiq raq apaiq man na ngarai tangto. Raüta Baal sumla thun nai Ashera sumla thun ka shomnoqto.
Shatmaq Israilnok raq Tatiwe tsangshiq Shiikeawe ka alaq riibaiqto. Kriikha niishe apaiq raq tsangshiq ka Philistainnok nai Mob mung hokhamwe kiimaq Sisera Hajor chela na siti phentuwe ma namtitiim ka tiikhatto raüta re ma tiitangto.