DANIEL 9:7 - ASII LAKDAP Bible (BSI) Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito. Hawa Naga Bible 2001 Taungjix lex, mnoz rueq vlvmz yauk shuimc kuex mkaq muinz shuimx vshuiux, yuq muinz nuiyshiq rueq miqmac pumz kuex mkaq muinz tvyvlc sac vshix. Tsuingshiq kuex mnoz nuex tvmtuing vguez ningkhvnc nuex vnyek, vluz mungtan htenc nuex nyanc gay rvhumc yaq Yuda mungx nuiyc Yerusalem nuex httaz jix lotlaz nuiyc Israel miqsaz lotlaz htauk nuex vruex lvmz vsuing yaungx wvnc tueq. |
Riita, ümchaü min, naishiq raq bom ka arshe sap wan tiikai. Ümniika naishiqnok Shiikeawe. Ümniiraq naishiqnok sintsang maq tsat wan laü kriika, naishiq raq ngarai raq ngarai tang wan kai, kra khan khan ka tsasha wan maü dea riilaü. Tri ka achii miili tsatson wan laü nguta sap wan tiikai. Laüta, O naishiq Shiikeawe lei, ümniiraq naishiq ka atra siwan miitu tiikhup wong wan tlaü.
O, Israilnok Tati Shiikeawe lei. Ümniika tri raü tingting maq shamwanti. Shatmaq ümniiraq naishiq ka atrali tiichhun kuq wan laü. Naishiq ngarai ma howan tiikai ara, ümman na tiidii wan tiikai. Riikhaqli maq liiwan raüla, naishiq ka ümman na chap wan ka thek mai.”
Riita ümniiraq naishiq, tiichamchao tlaü arka riikhaq li dea. Naishiq raq ümtinkhan wa, ngarai klo wan kai li jiimin, ümniiraq naishiq ka tsapkapkap maq, rümkom tlaü.
Ngi ka wranaiqshe jeasi thoda holatli she sitiikang; ngi jeasi kha ma ikhu na bulata sitiikang.
Imiisaq ka tiihang kuqlaq, O Shiikeawe lei, laüta ngi ka chhiilaq, raüla ngi raq ümniika tingting jaqshamti dea nguta chojongchise maq chiiriim lata michong kuqha.
Ngi ka shut kang, üm man niidea shut kang— ümman niili dongdii shut kang— kiimaq ümniiraq abi nguta ngutlaü kriidea shamkang, kra ningkhan ümniiraq ikha ka riikhaqli dea pholaü; ümniiraq ngi tiishut laü ka riikhaqli.
Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.
Tatiwe, ngi raq ikha ka ümniirai riikhiiha jiila, ümniili riikhaqli ma mijahaü. Li jiimin ngi raq ümniima tingting tri maq khaphoke bom ka awai chang dongkito. Riita abi kiimungtibi ka jaro chiithe liiwa tonglong jatla? Laopha maiqsebi raq jaro ongwan ruq laptla?
Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.
Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.
Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”
Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.
Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.
Kiimaq tsangshiq raq Jerusalem ka trotam maq wakkheti raq khetlaq ikha mikom wan. Jamkhano ngukla Jerusalem chelati raq Tatiwe kiq khiiwanto. Arka Tatiwe raq ngutlo.
Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.
Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.
Namshiq raq ümtinkhan wa abi rong arai rüm wan lan kra tsan na mitiitsang han kiimaq ajiq ümtinwa klo wan lan kra tsan na mitiitsang han. Lanta namshiq maiqmii raq ümtinkhan wa ngarai tang wan lan kiimaq ashut klo wan lan thun kra tum lanta, maiqmii nai maiqmii riili she agoq apaiq misaisi han.
Kra chamchao tsi akhing na, Jerusalemti nyungwere raq asetiim ngam kra miphaq. Kiimaq asetiim raq anyungwe ngam kriishe miphaq. Ngi raq ümniima mo mitiihoha. Kiimaq aso atra tiichongtlaq thun ka barap binrii na pong mung thun kiina wiita miwan baiqha.
Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.
O, Tatiwe lei, naishiq Shiikeawe lei, ümniiraq naishiq ka sintsang maq tsat wan miitu khekham khewan laü. Krai mren, naishiq ka tsat wan laü. Jamkhano ngukla ümniiriika tingting tri maq shin laüta, phokuq wan laü. Kiimaq naishiq raq ümbom ka tai wan mai riikai.
Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.
Naishiq hokhambi, nai naishiqnok mungtubi, kiimaq naititiim raq alaipo ahü tsangjeasi chang jaqsham wanto, raüta ümman na ngarai klo wanto, Tatiwe lei.
“Liironglaq, ngi raq aming kuq tiikang, Ngi raq Israilnok ka tsamchhii chiipbaiq tlaq ikha, wiita pongmung tlotli na michiipbaiq ha. Wankhü na awongsii ka tsishi min tiichong mak, achhii siisaq miraq. Raüta miqchup mijiip baiq wan.
Riita, man na ji na, namshiq raq ngarai minshiiq wan lan kra miitu, ümchaü ka ajiasi she riitlan. Riita kriiwa namshiq ma jamlai phan amet wa lap lan? Kra thun jaqsham wan lan, kra tsingo ka namshiq ma, atsai lam siisaqli tankuq wanto!
“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.
Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.