DANIEL 9:5 - ASII LAKDAP Bible (BSI) “Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai. Hawa Naga Bible 2001 “Nuiyshiq mvrax yaq tix, nuiyshiq kuex layx bac hez muex yaungx vtix, nuiyshiq rueq vyaq shuimx kaz gay tiq. Nuiyshiq rueq shuimc tvkoc mnoz rueq nvr phux kvjaz htenc kuex tvlvlc gay ruiux, mnoz rueq nuiyshiq muex tvkhic kuq phux vlvmx wawc muinz yaq wvnc vtix. |
Samaria thentaq kriika Israilnok raq Tatiwe, tsangshiq Shiikeawe bom taimak tlea kha na thento. Kiimaq tsangshiq raq Tatiwe raq tsangshiq rai tongshong raüpot kha wantaq thun kra jin wanto. Kiimaq Tatiwe jaqshise Mosheq raq akuqthü thungtri raütu thun kra wiita tlea wan kha na thento. Tsangshiq raq tri bom chong ka taimak riito. Kiimaq tsangshiq raq aming thun ka lang mak riito.
Ngi raq arthun ara isenginok khuthaq na miklo wan ha, jam ningkhanno ngukla, tsangshiq raq iman na ngarai pahea klo wanto. Raüta tsangtitiim pat na Ejip mung maq laü wanli miiphat ümchaü niitaq saüli itsankhiq ka shaü wanto.”
Ngi raq akha jaü kang, “O Shiikeawe lei, ngi arka ümman na chap wan min kham mang, pinthum jea tiikang. Naishiq mra thun ka ümmak lii na achong lotmai, naishiq thaq na amashe riiwanto. Naishiq ngarai homa phong ka ramong nyang niishe saü wanto.
Naititiim raq ngarai tangto naishiq riimin ngarai tangkai; naishiq raq abi shutphit wankai.
Ngi raq ümtsii chong bomtsi ka shishe mang riikang, jamkhano ngukla ümniikli ngi ma shrinketi shra.
Ngi ka skuse rum na amiiki ikha miikikang; kra ningkhan kira, laüta ngi ümjaqshise ara ritkikiq, jamkhano ngukla ngi raq ümtri raütu ka shishe mang.
Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.
Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.
Ümnaq akha Shiikeawe ümniima ranphan wantibi miitu atinkhan awang chang jaqshamkuq laü akha shamketi ahin shiikea ka jurmin chhimai shaq riimakla taimai shaqli.
Naishiq raq ümmakki na ngarai tangkai, Tatiwe lei; naishiq maiqmii mra thun tiidiitiikai, kiimaq naititiim ngarai min tiidiitiikai.
Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.
Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”
Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.
Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.
“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.
“Tatiwe lei, tiitsang liilaq, ngi chamchao riihum kang ara, pitlang pitthea ngi! Itsan ka buntoshe ngarai maho tsi raq. Chiihea wea na maiq riijiipwa li she, jam mong niimin, maiq maa phongli she.
“O, Tatiwe lei, naishiq raq ümtri jin wan kai. Laita ngarai tang kai, kiimaq ümniiraq ümchaü niitaq, naishiq ngarai ka diikuq maü dea.
Shatmaq Jerusalem raq ngi raq akuqha aming raütu jinbaiqto. Raüta apaiq ka maiq mung ahinti thun thaq na abi lin nguta tiichhi kuqto. Kiimaq apaiq ka, atro na mung ahin thun sitlaq kriithaq na nilan pinthum nguta tiichhikuqto. Jerusalem raq ngi aming thun wiita akhii riibaiq wanto. Kiimaq itri raütu ka apaiq raq lang mak akhü riibaiqto.
Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.
Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.
“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.
Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.
Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.
Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’
Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.