DANIEL 8:23 - ASII LAKDAP Bible (BSI) “Kra mungtan thun ka then wan, akhing she saüwan raüla, tsangshiq ngarai ka ra ma hiq ma she miraq, tsangshiq raq mo ka hochang dongdii she miraq, kiimaq hokham weshi ka, atsan tsii wanshakshak, shotsan lumtsan, kiimaq laopha pinthum she midong wan. Hawa Naga Bible 2001 “Kvruex mungtan htumx wvnc muex vnyek shex nuex tsuingshiq kuex layx bac hvlc muex yaungc wvnc ningkhvnc nuex murx tvgurc rvhumc tuex, kvruex yuq khux tsanc hvlc, bac hvlc nuiyc vrot vkaq hokhvmx dung wvnc tuex. |
Ümsaü ümsetiim ka armung arjaq mijang wan shaq liipan na maiqpat ka patblai mithum. Jamkhano ngukla Amoraiqnok ngarai ka aman she, pinthum bihea she, tsangshiq ma imo tiiho akhing mihong shaq wiiwii ka, Ngi raq tsangshiq ka armung wa jobaiq mang mirha.”
Krai mren tsangshiq raq apaü raüta athü, taksu bomtsi liichum kra, tsangshiq raq mikhon wan lot. Raüta taksma maiqse raq, uqkhiima bomtsi chong tlaq kra liichum ka mitak wanlot.
Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.
Rawii luhea sijai na Ngi raq apaiq ka maiq mung ashiti, tsangshiq ka maiq mung pahea na asiwa, adam na tsangmung niishe atiijang shea wan, raüta chiq are dong ma haisong ahü sitlaqti nok kra khatkikiq nguta, Ngi raq apaiq ma aming mikuqha. Apaiq raq Israil mung wa pum thun, rawii pahea hiqmiq changkhü ikha maiq asiti min ahü wa, shatmaq ümchaü ka mungmaiqse pahea she siwan nong raüta, maiq hiq tonglong li she kra hiq thun ka mikhat.
Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”
Kiimahali rase raq akha chongkuqto: “Kra jaiwa Siria mung hokhamwe shongtlaq kriika abi pinthum she miraq. Apaiq ka hokham ja thek mak. Shatmaq apaiq raq lule klo raüta jurmin tiima chhimak miili, hokham ngachang ka minyea. Raüta kra mung ka mipeng.
Apaiq raq maiqmung chiithejong jong mungti ka, tiihanghiiq hiiq miili mikhat. Raüta atitiim raq klo mak phan ashut miklo wan. Raüta kra mungwa tsiiq nai nyam sepat lopi tsuq wantaq kra, asengi liipan na mipheakuq. Apaiq raq phentiip kiitelong maq aruk thun kra khat wan miitu chiqchap rechap misürii wan. Shatmaq apaiq ma akhing ka atiitoq she mirbaiq.
Ngi raq kra liirat tiikang liipan niimin, arong aranseti riika tiitsaki ruqli kiimaq jaqrap jirap doqdit seali taikang. Ngi raq liirat tiikang bala niili, kaüblai ngojati ngamthaiqkaü ka tsatbaiqto. Raüta amaa ka watum na dobaiqto, raüta tiikhiim chaqbaiqto.
Kiimaq ngi raq, akhupo na arong roqshi sitlaq kra, kiimaq jai maq apong wan, arong ashiti kriiraq, arong roqshi phong wa, rongtsam ngok baiqtaq kra samhea sap wan rokang. Kra rongti ka amakpo min asi, kiimaq anübok min asi. Kiimaq anübok maq pinthum shiikong tsütsittlo. Kra rongti ka arong ahinti thaq na phiiptsi jiiptsi chang riito.
Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.
Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.
Kiimaq aphashaqshaq acham arong kra tiingoq kai jai she, arong rongblai anye chamwan nongtaq kriika, kra Grik mung ka jaimaq, mungtan blai miishe mitiikhoki. Raüta hokham weblai riishe maiqmiimii mung she mipeng wan. Riita kra mungblai miishe tiikhokitaq kriika, apha na mung ashi maq siji na jamkho ningkun ajong riitaq, kiikhiika riimak she miraq. Tsangshiq ningkun ka ajom she miraq.
Apaiq ningkun phungchaq ka henghea miraq. Shatmaq apaiq ningkun miika riimak. Apaiq raq phiiptsi jiiptsi, maiqse kunkun mishthen baiq. Jamlai wa klotlaq kra, kunkun na miong wan. Apaiq raq ajong ala maiqse wiita, mishthen baiq. Kiimaq Shiikeawe sengi thun min, pahea mishthen baiq.
Apaiq khonglaq mochii maq, laopha jaqsham jonghea mi ong wan. Apaiq ka ashkongtamli miraq, kiimaq achong aphan min ahü maq, maiqse pahea mitsat baiq wan. Apaiq raq hokham thaq na Hokhamwe kiimin, akhat riila nguta mingeng wan. Shatmaq apaiq ka mitsat baiq wan, Shatmaq maiqse jaq maq riimak.
Alongkaiti ka Saipras mung wa khamjong lam maq sangpho lai maq miki; Tsangshiq raq Asiria mung nai Ebar mung ka mitang wan, Shatmaq tsangshiq ka, maiqmii akhing na Pattup pat-sa miitu mithumki.”
Riita ija, ümchaü man la, namtitiim raq shammibi ka tsat baiq wanto. Krai mren namshiq riimin la namtitiim jaqtho kra tiinyi wan she, shammibi ahin siwan tlaq kra mitsat baiq han.
Tsangshiq riika ratho chiqhawe raq kaq tlaq ikha mijiip baiq wan. Kiimaq jumin tiihang mak miraq. Nose re miimin kiimaq nyungwere miimin akhiismin tiihang mangchan tiichhi kuq mak miraq.
Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!
Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.
Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.