DANIEL 8:21 - ASII LAKDAP Bible (BSI) Kiimaq chhechhipongwe chhilaü kriika, Grik mungtan. Kiimaq amakpo wiinai liipan na arong ajong wiq ashi chhilaü kriika, Grik mung pengti aphashaqshaq hokhamwe kra. Hawa Naga Bible 2001 Khelkhix waz kuex Greek mungtan rvtueq, piq muik hvl nuex dung tueq pungdungc vrungx kuex phaungc wawc hokhvmx waz rvtueq. |
Apaiq raq nguto, “Ngi ka ümphana jamlai miitu wa kikang kra asap haü sha? Arka Tengteng Lakdap na jamlai wa waiqthütaq kra ümniima tiichhikekai kikang. Ümchaü ngi ka ajang wan nongchang she. Lata Parsia mung liiti rase rai riikhat wan chang. Kra jai maq, Grik mung liiti rase kriishe misaüho. Ngi khrumti ka ahin jumin ahü, Israilnok liiti rase Maikel sitlaq kli.
Kiimaq ümchaü ngi raq ümniima jamlai bom wa chong tiikang arka tengteng.” Rase raq nguto, “Hokham wetsam raq hali Parsia mung ka misiq wan nong. Kra jai maq hokham weblai ngoja raq mung ka misiq wan. Apaiq ka anok tarü thaq na chiithe lin miraq. Kriiwe raq apaiq ningkun aheng pinthum bala nai chiithe pinthum jong tlaq bala, apaiq raq Grik mungti hokhamwe rai she mirkhat wan.
“Kiijiishe sreajong pinthum hokham weshi she midong wan. Apaiq raq peng wantlaq mungtan ka jonghea she miraq. Kiimaq apaiq raq aroro she miklo wan.
Ümnaq jai niishe, mangjong hiq na, ajong pinthum hokham weshi hali mishong wan. Kriiwe ka ümhokham jong khan ka jongmak miraq. Kiimaq kra jai miishe ka hokham ajong pinthum wetsam, ngoja kriishe mishong wan. Kriika miiki maq alo kra miraq. Kriiwe riimin mangjong hiq ka hamli mung milang wan.
Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.
“Ümniiraq skupongwe khupo na arong anai chhilaü, kriika Media mungtan nai Parsia mungtan.
Kiimaq aphashaqshaq acham arong kra tiingoq kai jai she, arong rongblai anye chamwan nongtaq kriika, kra Grik mung ka jaimaq, mungtan blai miishe mitiikhoki. Raüta hokham weblai riishe maiqmiimii mung she mipeng wan. Riita kra mungblai miishe tiikhokitaq kriika, apha na mung ashi maq siji na jamkho ningkun ajong riitaq, kiikhiika riimak she miraq. Tsangshiq ningkun ka ajom she miraq.
Ngi raq Juda mungti, srea nolawe liq miishe mitiijaha. Kiimaq Israil mungti, liqsin chü miishe mitiijaha. Ngi raq Jajon chelati, i nep jasai miishe mitiijaha. Lata Grik mungti mikhat wan ha.”