DANIEL 3:22 - ASII LAKDAP Bible (BSI)

Riita, hokhamwe raq aming ka tsinhea ke kha maq, watum kriimin pinthum henghea tiike chaqto. Kriikha na, watum mong wa walü lap henghea nyaitlaq kriiriili, maiq wetsam ka watum mong na dobaiqti kintsongtibi ka wa raq wiita khiim baiqto.

Hawa Naga Bible 2001

Majuiuc kuex hokhvmx waz rueq daungdaungx nvr tueq rulc rv-ngvlc wvrkez muinz luic hvlc ningkhvnc nuex wvrluic rueq vshvlc lvy jix hez kuex khamc gay tueq.

DANIEL 3:22 Referencias Cruzadas

1 HOKHVMX 13:28

Krai mren apaiq ka kumtoq kaü thaq na ngaraüta kihoto. Raüta kra shammiwe maa ka lam na weraü chhihoto. Kiimaq kumtoq kaü nai hangsikaü kiimin kiijaq chap shat li lohoto. Hangsikaü raq kra maiq maa ka phaq mak dea. Kiimaq kumtoq kaü kiimin kaq mak dea riito.

DUNGWVNC 12:33

Ejip mungti raq Israilnok ka kotsi pinhotlo ronglaq lanta tsang mung ka baiqthütlo ronglaq nguta thaüto. Tsangshiq raq nguto, “Namshiq ka tiibintlo man riihanla, naishiq ka wiita ajiim mirhai.”

TAKSU LAK 11:8

Kechu maiqse ka chamchao wa tiiwong kuqtlo. Shatmaq ashutwe kra khoti deawatlo.

TAKSU LAK 21:18

Ajiqwe raq alamwe kra, tiimin ma nguta bi tsan tlaq kiijiika, ajiqwe maiqmii kli min raitlo.

DANIEL 1:7

Kra siihiipjongwe raq, tsangtsam mang ka anyeshe laikuqto: Belteshajjar, Shadrakh, Meshakh, kiimaq Abednego.

DANIEL 2:15

apaiq raq Ariokh ma, hokhamwe raq kiitinkhan aming tsinhea ka jamkhano kuqta nguta bom ka tiitsang waito. Kiijiishe Ariokh raq Daniel ma jamlai mra wa pintaq kra chongkuqto.

DANIEL 6:24

Kiijiishe, hokhamwe raq Daniel ma kha nyantibi maiq thun ka wiitarü lap wa rongkiq nguta aming kuqto. Raüta tsangshiq ka tsangshiq chak asetiim wiita nongnong miishe lapho raüta, hangsikong raq ama sitlaq khobok mong kiiniishe dobaiqto. Tsangshiq ka hangsikhok shamong hiq na misaü shaq liipan kiiwiili, hangsikong raq phiim rang raüta, arok arii bunlak buncha kaqphaq hoto.

Matthew 27:5

Kra tai raütiishe, Judas raq kampho thop ka kiijaq Shomjam na riiwak baiqthü raütiishe, apaiq ka juhoto. Kiimaq kiho raüta, apaiq ka ajaqlii maq tiihai shakto.

Acts 12:19

Herod raq Petar rit ronglaq nguta aming kuqto. Shatmaq, tsangshiq raq Petar ka humlot mak she riito. Kriikha miishe Herod raq kintsongtibi phenlabi thun ma bom ka tiiwai sowanto. Raüta, tsangshiq tsea baiq miitu aming kuqto. Arjai miishe, Herod ka Judia wang maq tiidoho raüta, Sisiria chela niishe kihoto. Raüta, apaiq ka kiijaq heashi sikai nguta kihoto.