AJONJÜ 3:39 - ASII LAKDAP Bible (BSI) Arningkhan, nashiq shut kha, sintsang hohai jiika, abatbu chang lam asi shea? Hawa Naga Bible 2001 Naungshiq mvrax yaq gay ningkhvnc nuex naungshiq rueq murx gurx vshix rvyruiux, yvmx ngoz lac kvbot nyvnx jungc aungx yaq nguinx? |
“Ngi raq ümniika jaram wa mikhrum kuqha?” nguta Elisha raq Israil mung hokhamwe ma nguto. “Man na ümwe nai ümnyung raq tei tlangkitlaq shammibi phong pahea asi kata. Tsangshiq phana walaüta bom ka riiwaisowa kiq na” nguta Elisha raq nguto. Kiijiishe, “Riimak! Kiikhiika riimak!” nguta Joram raq treto. “Arka Tatiwe raq naitsam hokham wetsam arka Mob mung hokhamwe jaqkhon mong niishe kiinong kuqbaiqto.”
Kiimaq apaiq raq tsasoqti Elisha tiisheakai tiikito. Kra bala Elisha ka apaiq jam na nyungwere maiq wiijam apaiq rai riihumkai akiti rai angadam riito. Hokhamwe raq atiiki tsasoqtiwe ka misaüho shaq na Elisha raq nyungwere kiima nguto, “Liirong laq, kra matwe kaü raq ngi tiitseakai maiq tiikitlo! Ümchaü min apaiq ka arjaq saüho raüla, kilü ka ashaq rong laq. Apaiq ka jam mong na naq tiinyap rongkiq. Hokhamwe apaiq kiimin apaiq jai niili misaüho.”
Apaiq raq abom kra samhea mitiithum shaq niili, hokhamwe ka riithot li kiijaq saükito. Raüta akha nguto, “Arka Tatiwe apaiq riishe dongdii nashiq ma chamchao tiisaühoto! Ikhiijiika ngi raq apaiq jaq lü lata jaram she wa mikhesiqha?”
Riita, ümchaü min, naishiq raq bom ka arshe sap wan tiikai. Ümniika naishiqnok Shiikeawe. Ümniiraq naishiqnok sintsang maq tsat wan laü kriika, naishiq raq ngarai raq ngarai tang wan kai, kra khan khan ka tsasha wan maü dea riilaü. Tri ka achii miili tsatson wan laü nguta sap wan tiikai. Laüta, O naishiq Shiikeawe lei, ümniiraq naishiq ka atra siwan miitu tiikhup wong wan tlaü.
Raüta apaiq raq ümniima taksu tsii ka phan phan tiina nguta michongkuq wa; maiqse raq taklot mak phan tsaühea asi. Shiikeawe raq ümniima mo tiiho tlaq kriika, achii lin li tiiho tlo, kriithaq na alaiq lin hohaü chang wa.
Wiijamti ka angi nolakong ngarai tangto raüta chamchao siqto tsangshiq raq abi klo khana chamchaoto;
Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.
Jerusalemti akha hoqtrangtlo, “Nashiq ka tiibitaq tsatbaiqto! Nashiq raq mininlot rong i ahiq nguta tiimakai!
Namkhum na ami phong sitlaq kra miitu, naq tiibot rongkiq she, namshiq mitsi tiihea chang tsiq ka ahü. Ngi raq namshiq ma akha mo tiihokang, jamkhano ngukla namshiq ngarai ka pahea, kiimaq namshiq raq abi klotlan ka jonghea.
Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,
Shatmaq, aphana, kra mungwa maiq thun ka kongkhu tiisiirai jobaiq chang. Kra riihaütiq hiqkhu rakhu thun raq niitiitsak rahiq tiinyili mihaisiq. Kiimaq tsangshiq raq Ngi raq akuqha thungtri raütu thun jin wan kha na nai kiimaq Ngi raq akuqha aming thun kra tlea wan kha na thumli tsangshiq kha tham kra kewan ratlo. Raüta chamchao homa kra howan ratlo.
Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.
Kra ningkhan apaiq raq Tatiwe ma nguto, “Ümniiraq ngi ka atinkhan jam nguto tlitkot ho laü? Ümniika ngi ma jam nguto khiqtlaü? Ümniiraq ngi ma arnok liiwan arang ka jaram wa kuqlaü?
Kriimaq nap jai ranaiq she mungmaiqse tlotli raq Mosheq nai Aron tiishut bomto. Tsangshiq raq akha nguto, “Namnai raq Tatiwe sengi maiq wiijam tsatbaiq lan.”
Tsangshiq ka wiita khiim baiqto. Kiimaq wakhiim tsi ma tsangshiq raq arthun thawa arang rümti we, Shiikeawe ma manson kiqsü, riikhiq maq phaqto. Shatmaq, tsangshiq ngarai lamphan wiika tsan klai mak dea riito. Kiimaq Shiikeawe jonglu ka shomra mak dea.