Acts 27:4 - ASII LAKDAP Bible (BSI) Laita, naishiq ka Sidon chela maq hali tiido wan nongkai. Shatmaq, rahai wa ka naishiq walam nü maq hai wan tlaq kriikha maq, laijong jiiq wan ka atongrea riihoto. Kriikha miishe, naishiq ka khamjong mong hiq Saipras wang khamwiiq rahai tiiwong shat win binjü kiimaq jiiq wankai. Hawa Naga Bible 2001 Nuiyhez kvruex maq kvtenc wvnc vtueq raungguil kay ningkhvnc nuex Kupru julc kuex tvroz vtueq kvrep kaz wvnc tiq. Muklom Eshiwang í thalat ti etho rangpong adak kowang mot tungkang o í jung jaktung haq Cyprus adak kangko ang eq kati. |
Kiimaq kra akhing na lai ka, thamchum mong jam kiina aluwiq niishe saü wanto. Rahai henghea hairai wan raüta, rahai raq khamtso ka tiiblun wanto. Kra khamtso blun hengwa kra raq, lai ka tsangshiq wachang khaki nü na tiiwa mak maq, athok lulu she tiikap wan nam nam she, thaü baiq wanto.
Kiimaq Jesuq raq ajaqshisetiim ka, tsangshiq walam nü maq rahai henghea hairai wan kha maq, lai jiiq wan ka ngila ngu raü she, samthukii na riiwiiq raq maq, shiikut rai tlaq kra chhito. Kra chhi raüta, apaiq ka ranap, rawii tsuprup tsupriiq niishe, kham thaq maq khum raüta, tsangshiq phana wato. Apaiq raq tsangshiq ka ashüp wan ngo chang chang ikha wato.
Ranaiqshi, Jesuq ka ajaqshisetiim rai lai ashi na ngato. Apaiq raq tsangshiq ma, “Nashiq ka Thamchum konü reko kiina warong pha,” nguta thaüto. Krai mren, tsangshiq ka wawanto.
Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.
Kriikha miishe, tsangnai liipan na kiq ka atsin miishe riikhii raito. Raütiishe, tsangnai ka traho bom chongke wa ka kongnai niishe riipheato. Raütiishe, Barnabas ka Johan Makaq shea wan raüta, lai maq Saipras mung niishe wawanto.
Riita Sisiria wa maiq wiijamti phunainotiim kiimin, naishiq rai adam maq wadamto. Raüta, naishiq ka naishiq düwa chang jamchongti we jam na shea wanto. Apaiq mang ka Mnason riito. Apaiq ka Saipras wang na siti. Apaiq ka man na aphaji niiphü kamasham maiqse dongdii riito.
Riita lam na khamjong thaq maq khamjong mong hiq Saipras ka laijong maq rashra chhithü kai. Laita kiimaq shemai nü tiithithi maq jiiqho laita, Siria wang nü na kihokai. Riita naishiq ka khamjong kii hiq Tajar chela niishe saüho kai. Naishiq kai chang laijong maq ahoho piikii chang huk asam thun kriika, kiijaq tiisat wa chang riito.
Rahai wa ka henghea kha maq, naishiq raq rablai ngi ka, chaosusu se maq jiiq wankai. Kiimaq ngila ngu raü khamjong kii na atei wan Nida chela tiithi khamjong wiiq kiina saü wan kai. Rahai ka henghea kha maq, naishiq ka kra nü tiinyi niika jiiq wan lot mai she riikai. Kriikha miishe naishiq ka khamjong mong hiq Kret wang raq rahai tiiwong tlaq siim nünü kiina riita, khamjong mong na hiqkü ashi ashaüki Kep Salomi ngutlaq kra siim lam miishe jiiq wan kai.
Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).