Acts 21:9 - ASII LAKDAP Bible (BSI) Asetiim ka junriisetiim nyungblai riito. Kriiwiitiim raq Shiikeawe bomtsi ka chongkuqto. Hawa Naga Bible 2001 Piq sahez miq muex max waung nyuiuz bvlic vhttax rvtueq. Tsuinghez kuex Tishox bomjungc jungphvnc kuy jix rvtueq. Muklom Piq ma bali miqnu sa angta bara tharik hunga tong ta etho Shkewa rangsamal angta. |
Krai mren, Hilkia, Ahikam, Akhbor, Shaphan kiimaq Asaia ka maiq nyung ashi amang ka Hulda, apaiq ka shammi nyung Jerusalem anye tei wantaq siim nü ba kiijaq siti nyung phana bom riiwai kai kihoto. (Awese mang ka Shallum. Apaiq ka Tikwa se kiimaq Harhas miika asaü ka Shomjam wa ramwebi samtong jong kaütiim kra liitiwe.) Tsangshiq raq kriinyung ma jamlai bom wa dongtaq kra aheawiq tlü chongkuqto.
Kiijiishe, ngi raq akha achu jaükang, “Shiikeawe lei, Tobia nai Sanballat raq jamlai wa abi kiimung tlaq, kra ümtsan na tiitsang laq. Laüta, tsangshiq ka tiichamchao laq. Shammi nyung Nodia nai shammibi ahinti raq, ngi tiihai chhai wantaq thun ka ümtsan na tiitsang laq.”
Shammi nyung Miriam, Aron shea-nyung raq jaqsinpin kra tsunhit riito. Kiimaq jechakre thun wiita apaiq jai phan, jaqsin nong thun tsii raüta wiinum neato.
Tatiwe raq nguto, “Maiqse lei, namshiqnok phong na jechakre kong maiqmii raq thapthi raüta riisham bom tiithai chongti kra liilaq. Tsangshiq ka ajiq nguta tiishutbaiq laq.
Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.
Kiijaq wikaü nyung ashi, kiikaiq shammi nyung min asi riito. Apaiq mang ka Ana. Awe ka Phanuel. Ashar weraü wa. Apaiq ka manti-nyung, wiiroqtiichat ri wiiblai she sito. Apaiq ka tsangwe rai wiimiishi li silapto. Apaiq ka Shomjam na Shiikeawe shomnoqkai nungpaq mak phan. Apaiq ka ranaiq rawa, Shiikeawe shomnoq wanli, amang maq siraüta pahea achu jaü tiikoli sito.
Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.
‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.
Krai mren, maiqwe ümriiti riiwa achak lam tlaq, kriiwe riika jaqsham ahea ashi kloto ngushat. Shatmaq apaiq thaq na maiqwe ümriiti riiwa achak lamhü miili sitlaq, kriiwe riika arwe thaq na jaqsham ahea lin she kloto nguta tiima chang sitlo.
Shatmaq, ngi raq namshiq ma tsantiibi chang lam ka ara: Namshiq raq jechak nyung Jejebel ma trahoke miitu kilü dikuq tlan. Apaiq ka arot shammi nyung. Apaiq raq arot bom chongke lümaq, i sengi ka ngarai lam na sheaho tlo. Apaiq raq tsangshiq ka sethoq sepii ngarai lam na tiishon tlo. Kiimaq sumla phra noq ma akuq ngam kra tiiphaqsiq raüta ngarai na tiidea tlo.
Riita kra akhing na Lappidoth tanyung Debora, apaiq ka shammi nyung, kriika Israilnok pengti phonyung riito.