Acts 19:11 - ASII LAKDAP Bible (BSI) Shiikeawe raq Paul lümaq awang chang jaqsham ka pahea sham wanto. Hawa Naga Bible 2001 Tishox rueq Polu yauk maq vwangc juing htenc kuex tvkhic yaq. Muklom Shkewa Paul jak o patja jaksom somlo ta. |
Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang.
Kiimwe nai ka kiijaq rahiq luhea sito. Raüta, Tatiwe tsütsa ka achaq awaq maq nokmaiqse ma chongkuqto. Krai mren, tsangnai raq Tatiwe kaphap mangchan bomchong tlaq kriika, tengteng dea chongtlo nguta atai wantibi ma tiichhike wan miitu, Tatiwe raq tsangnai ma awang chang nai amao chang jaqsham miitu ningkun jonghea kuqto.
Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.
Apaiq raq akha tsangshiq shakshaq rea arka, rahiq aluwiq she shakshaq rat wanto. Kriikha niishe, Paul ka atsütsa sihea she riito. Kriikha miishe, apaiq raq jechakse pha nü na lii raüta, apaiq khum wa abi winji ka, “Jesuq Khristo mang maq ngi raq ümniika ara jechakse khum arwa jobaiq tiikang, dongkikiq!” nguta jobaiqto. Krai mren, kra nyung khum wa tha ka kra liipan niili she donghoto.
Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.
Simon apaiq riimin Jesuq miishe kamwanto. Kiimaq apaiq riimin kham lamto. Khamlam jai maq apaiq ka Philip rai napshnap miishe sito. Kiimaq Philip raq awang chang nai amao chang jaqsham pahea shamtlaq kra chhi raüta, apaiq ka pinthum awang riito.
Riita, Shiikeawe raq namshiq ma, Asii Wenyi kuqtaq, kiimaq apaiq raq, namshiq phong na awang chang pahea jaq sham wan taq, kriika, namshiq raq Thungtri aming lang lanta sha, sha Tsütsa Ahea tai lanta, kriima kamwan lan tiiwa sham kuqta?
Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.