Acts 18:6 - ASII LAKDAP Bible (BSI) Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto. Hawa Naga Bible 2001 Kvkaq tsuingshiq rueq piq kuex khawc lvlc ngoc ngac lvy ningkhvnc nuex Polu rueq vsvmhung wawc bokkhuyx kuex nuiuc ruiux vkhoc ngoz tueq, “Nuimshiq batac rvhumc wvnc ruiux kuex nuimshiq mvrax dvyx rvtueq, ngvy mvrax kuex rvmuq! Majuiuc vmaq kuex Pungnuk miqsaz kox nuex shex kaz wvnc taungx,” ngoz tueq jungx tueq. Muklom Baluk o ning aa piq raaq tha miiksuk ta etho chikchak atho piq aa khat wang botkhi tha thalwat eq ning ma batta, “Nim tahi nim ma hun cham ang aa! Nga jamong. Thanga wang nga Gentile tang jamnáng ka náng.” |
Kiimaq Dawit raq Amalekwe kriima akha nguto, “Ara mat kha arka ümdü na ümniiraq ümnübok maq chong laü kriishe hophaq tlaü. Ümnaq tsaichang thiikho ka ümniiraq athu haü. Jamkhano ngukla, ümniiraq Tati raq hokhamwe ashong ka tsatbaiq kang nguta tiichong laü.”
Tsangnai miisaq tan wantaq kha ka Joab nai asaü asetiim khuthaq na pattup pat-sa miitu minikhi wanlaq. Shatmaq Tatiwe raq Dawit saüsetiim ara hokham ngacho na nga wantibi miika phanrap na ongwan ruq raüta mitiisi wanlaq.”
Kra lot laitiishe, ngi raq ichhü na pa tiikang kheachü shinket kra chhut lata, naüshaüshaü naübaiq kang. Kra naü baiq lam maq, “Ikhii jiila, ümchaü armiiphat, namshiq phong wa jurwa, ara kiqkham raüpot lang mak riijiiq, Shiikeawe raq kriiti jamkun nai kriiti tachong kra hutjok, minaü baiq laq. Raüta namshiq ka kheahü kealok she mitiichamchao laq,” nguta tsangshiq ma tumkham tiinyang kang. Krai mren, kiijaq ngati tarü raq, “Amen!” nguto. Kiimaq Tatiwe ka tiitsamto. Krai mren welabi raq tsangshiq kiqkham ka riikhaqli maq lang wanto.
Kiimaq apaiq raq kampho ka maiq ma aliip miitu tiinam kuqtlo. Raüla apaiq ka atra misi sha? Simak. Apaiq ka rilung alu simak miraq. Jamkhano ngukla, apaiq raq arthun maiqphai asi jaqsham thun klo wanto. Kra ningkhan apaiq ka atsai miraq. Apaiq tsaitlaq kha ka apaiq riili miho phaq.
Maiq weshi ra raq hünong tsü ka mitai shatmaq hon lam mak maq siraüla, re ka wa raüta apaiq ka mitsatbaiq, raüla apaiq tsaitaq kha ka akhupo niili midea.
Shatmaq, kra kintsongti raq re saü wan kra chhishat taü maq, hünong buk mak raüla, re ka saü wan raüta kra ngarai maiqse thun kra mitsatbaiq. Kra nguraüla, ngarai maiqse thun tsaitaq kra mat kii ka Ngi raq kintsongtiwe khupo na mitiihoha.
Tatiwe raq arthun thungtri raütu kuqto. Jurwa awe lo anyung lo kra ratum hiqta raüta sontlaq, kriiti ka tiitsailaq tseabaiq chang. Apaiq miisaq thumtlaq kra kha maa ka apaiq riili miho.
Kiimahali, juta jamti riiwa namshiq ka tao wan mak, lo ümriiti chela riiwa namshiq ka tao wan mak riijiiq, lo namshiq raq achongkuq wan han traho bomtsi kra tai wan romak riijiiq, kra riihaü jiila, namshiq raq kriiti miika, jainong shung thü tlii riirong laq. Kiimaq namshiq hok wa botkhulai kra dongdii min, jai nü na anaü riibaiq thü rong laq.
Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.
Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.
Krai mren, ajaqshisetiim ka munglam jong lamhum ba ba thun kiina kiraüta tsangshiq raq ahumhum, maiqhea maiqbi wiita shea wanto. Krai mren, kherüsea poi ngachang khok ka wanwe raq mali riito.”
Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.
Ngi chongpha. Maiq pahea shedong mung wa nai shenyap mung wa waraüta Abraham, Isak, kiimaq Jakob rai Phangthum Poi Ranaiq Ramungtan na minga wan dam.
Ümra chelati riiwa, namshiq ka tao mak, kra chelati miika, namshiq hokphi wa botkhulai kra anaü riibaiq thü lanta wawan ronglaq. Kriika tsangshiq ma honlam bomchong kethü she miraq.”
Kriikha miishe, kiimwe nai raq, tsangshiq raq ashut kiimung tlaq kra bom tre heshap she, tsangnai raq tsangnai hok wa, botkhulai ka naübaiqto. Raüta jainong shungthü tlii raüta, tsangnai ka Ikoniam chela niishe wawanto.
Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.
Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.
Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.
Riita, shea Shiikeawe ka Jehudinok miituli nguta wa sitla? Apaiq ka Pongnok phan maiqse miitu min riimak sha? Riikhaqli, apaiq ka Pongnok phan maiqse miitu min sitlo.
Tatiwe jaqsham ma, maiq ka moshong shong naq shongkiq. Nanok raq jamlai ngarai wa tang tlaq, kiijaq ümniika naq tiitsam nyiim damkiq. Ümniiraq ümkhum ka siirairai maq thü laq.
Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.
Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.
Kiimaq ümchaü akhing na, namshiq raq ara chongtiikai thun ranyaq rilung lamphan na, thatsang maiqse rai pongdam man she riikanta, tsangshiq ka awang li she riitlo. Kiimaq tsangshiq raq namshiq ka ashummii li she riitlo.