2 Peter 1:16 - ASII LAKDAP Bible (BSI) Naishiq kiimwebi raq namshiq ma nashiq Tati Jesuq Khristo ka apaiq ningkun ajong achhai anyii liliim wahea la maq misaüho nong nguta namshiq ma atsi dada maq chongkuqkai. Kra chongkuq kai irka, naishiq raq chiiheawea wea wa maiq bom chong tiishowo manphan tai laita atlii chongkuq hai riimak. Naishiq raq maiqmii mak maq, apaiq khushü ngao jonglu ka ümtinkhan wa sitlaq kra chhi wan kai. Hawa Naga Bible 2001 Naungshiq Taungjix Yesu Christu hungc vlaungc maq httuiuc kaz yaq lvmx, nuimshiq muex jungphvnx kuq vphix vruex kuex nuiyshiq thuinz vmungx maq tvmaung vtueq mvnphvnc ikhoc jungx vshix rvmuq, nuiyshiq muik maq vpiq yungx luz yaq lvmz kuex khic wvnc tiq rvtueq. Muklom Nim ma hiqtang Teyhungwa Jesu Khristo tarong eq wey kat raaq bat taphi tho, alik manphan mal bat phami angta phi. Etharin í aa piq ajong ta miikkhi kot ti. |
Shatmaq apaiq saükai ranaiq akhing kra juwero minin lot? Apaiq saüki raü jaq, asham ka juro miliilot? Richikhü wabun maq raihi kheathum alum ikha henghea miraq. Kiimaq jinpan ka khiwa na shu raüta jinpü tiikhiim tiiqbaiq tlaq ikha wa na tiike shu raüta mitiiq wan.
“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.
Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.
Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”
Ratrok jai maq Jesuq raq Petar nai ano Jakob kiimaq Johan kra shea wan raüta hiqlam ashi diiluwiq kiina wawanto. Kiijaq tsangshiq blai laqlaqse li riito.
Ara jamkhano chongkuq tiipha ngukla, Maiq Se saükai akhing kriika ra rachhai ralüp wan tlaq akhing na shedong maq riita shenyap chong na saüli maklii liipan niili chhai rai tlaq ikha tiihanghiiq miili misaüki.”
Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.
Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.
Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.
Kiijiishe Jesuq raq, “Üm,” nguta apaiq bom ka treto. Raüta apaiq raq, “Riita ümchaü sanha namshiq wiitarü raq Maiq Se ka, Ajong Shiikeawe ma jaqtsi nü na nga raü she michhi han. Kiimaq apaiq ka phum thaq na nga raüta, mangjong hiq na akairai she michhi han!”
Tsangshiq raq waiq wantaq kriika, nashiq ma chongkuqtaq, manphan kriili. Kra manphan ka, Phungmaiqse ka jamkho parai wanta, kra manphan, apha wan ranaiq miiphü, arang chong maq tiichap tlii maq, jujuro maiqmii mak maq chhi wantaq, raüta kra tsütsa ka nashiq ma trahokuq wan wan, phanchan chongkuqtaq, kriiwa riichom raüta, waiqto.
Mungmaiqse wiita raq, kra Shiikeawe ningkun jonghea jaqsham kra chhi raüta, pinthum awang riito. Mungmaiqse phong kriika, Jesuq raq phanrap phanrii amao chang jaqsham tlaq kra thun ka chhi raüta, awang athang rai liipan bala niili, Jesuq raq ajaqshisetiim ma,
Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.
Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.
Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.
Khristo raq ngi ka kham lamke wa miituli ka tiiwa mak. Apaiq raq ngi thaütaq kriika Tsütsa Ahea kra phanchan kewa miitu tiina thaütaq. Kiimaq kra tsütsa chongke kiimin mangjong maiqse han-ngam phaqchi ka akhiismin shiinang mang maq chongke miitu ngi ka tiiwato. Kriika ngi raq chong tiikang ara lümaq Jesuq Khristo pumsongkham na tsaitaq kra ningkun tu ka akhiismin tiijom mang maq chongke miitu thaüto.
Shatmaq nashiq raq riiwe kla, Khristo ka maiqse tiichhiike miitu pumsongkham na tübaiqto nguta kra tsütsa kli mungmaiqse ma chiiriim laita chongkuq tiikai. Riita ara tsütsa arka Jehudinok raq tai miika taibi pinthum. Kiimaq Pongnok phan raq tai miika thiihü hiqtili banbok mii.
Krai mren, namshiq raq achu shiiman thumli asho awo she lap wan lan. Ümchaü sanha, arphan ara lap wan mai dea nguta ngo chang min ahü she. Kiimaq nashiq Tati Jesuq Khristo saüho ka maklii khamthii maq khe wan tlan. Apaiq ka ranaiqshishi misaüho she. Raüta maiqse ma apaiq khushü chhainyii jonglu kra mitiichhi kuq.
I phu I notiim lei, man na ngi namshiq pha na tengman tlaq Shiikeawe tsütsa, nashiq raq ümchaütiq sap tiikai bomtsi kra, namshiq ma phanchan kewa wakang akhing na, ngi raq namshiq man na, tsüwe tsitwe raq bomtlaq ikhiika, bomwan mang riikang.
Krai mren, ngi raq namshiq ma Shiikeawe bomtsi shrinkuq kang nai traho bom chongkuq kang thun na, ngi raq han-ngam phaqchi ningkun thaq na seng lata chongkuq mang. Shatmaq Shiikeawe Asii Wenyi ningkun ka ajong dea nguta, namshiq ma jaqsham maq tiichhi kuq lata chongkuq wan pha.
Ngi raq apaiq kha phokang kra Tatiwe arang maq pho kang. Riita namshiq ka adam na nga ronglaq. Kiimaq ngi min namshiq rai wenyi na minga dam kang. Kiimaq Tati Jesuq ningkun ka nashiq rai asi miraq.
Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.
Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.
Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.
Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.
Jamkhano ngukla, namshiq kata, naishiq tsantsii ran chang. Namshiq kata naishiq chochi chang. Kiimaq Tati Jesuq man na, jaqsham rekhat ka tang kai she dea nguta, khushü dong chang tiishom raa wan ka, namshiq sitlan kra kata. Namshiq ka nanok ahinti thaq na nungpaq man.
Kra Thawe ka Soitan ningkun ho raüta misaüki. Raüta, apaiq raq maiqse tiiwang chang arot jaqsham pahea misham. Kiimaq maiq mao chang jaqsham min pahea mitiichhi kuq.
Ümniiraq arot shrabi kong ma, tsangshiq raq arot akiq manphan chong tlaq, kiimaq richü pat wa maiqwe raü manphan, hit wiilü lam wiilü mangwea raüpot thun kra phanchan kuq tlaq, raüta rashe tiicha tlaq kriika, ümchaü ka atsaq she ronglaq nguta atiiwin riilaq. Kra phanchan tlaq kriika banbokmii, rashe shaphaq chang. Kra manphan thun ka, nashiq raq Shiikeawe lamphan na amet lap chang jam min ahü. Nashiq raq Shiikeawe lamphan tri sap wan ka, nashiq raq kamtsantsii rüm tiikai kra miitiq sap tiikai. Akhnok banbokmii manphan tai laitiika riimak.
Hiqtili, wikaüre manphan kra tai laüta, rashe naq tiicha kiq. Kiikhiinok manphanti tho niika, anga min naq nga dam kiq. Ümrilung ka awongsii kechu rilung ma tiija miitu, jamlai jaqsham chang wa, kriili sham laüta silaq.
Ümchaü sanha, tsangshiq Jehudinok manphan ajiq raütu kriika, akom raüta raqkam niishe mitiikü baiq laq. Kra manphan raüpot tu kriika, maiqse nübok maq adong. Arka Tengteng bomtsi kra lang makti nübok maq adong manphan.
Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.
Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.
Tsangshiq miitu ka Enokh, Atam pat maq pha raüta pattrok wa shammi we raq tiitthai thü je she. Apaiq raq, “Tatiwe ka ahing amun, apaiq rasetiim rai misaüho.
Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.