1 SAMUEL 2:7 - ASII LAKDAP Bible (BSI)

Apaiq raq maiq wiijam miitsan tiijatlo, kiimaq wiijam chiithe ma tiijatlo; apaiq raq maiq wiijam aran ma tiijatlo, kiimaq maiq wiijam ajong ma tiijatlo.

Hawa Naga Bible 2001

Vpiq rueq miq wvyvmc kuex htemc saz tvyaungc ruiux, wvyvmc kuex tvrungx wanx kuq yaq; vpiq rueq wvyvmc kuex tvdvy gay ruiux, vganc kuex tvyungc tvloayc rvyaq.

1 SAMUEL 2:7 Referencias Cruzadas

2 HOKHVMX 9:6

Kiimaq tsangnai ka tap mong na wawanto. Kiimaq kra jerowe shammiwe raq olip tai ka Jehu khupo na nyukto. Raüta apaiq ma akha nguto, “Tatiwe, Israilnok Shiikeawe raq, chiiriim raüta akha ngutlo: ‘Ngi raq ümniika isenginok Israilnok khuthaq na hokham ma shong tiikang.

1 KAÜWA WERAÜ 29:12

Phanrap chiithe kiimaq tachong thun ka ümjaq wa siisaq li saütlo. Ümniiraq phanrap ka ümhong ümla maq kiimaq ümningkun jong maq siisaqli peng tlaü. Kiimaq ümniiriika maiq juli jiimin ajong ma mitiija lot haü kiimaq ahong alawe ma mitiija lot haü.

2 KAÜWA WERAÜ 32:27

Hokhamwe Hejekia ka pinthum chiithejong miishe jawanto. Kra ningkhan maiqse wiita raq apaiq ka kai shrengto. Apaiq raq khok pahea hairaüta atsiiq anyam tum thun chaq, kampho, huru longseng, süse tapan, liiq thun, kiimaq laihin athü tsinhea phan hupsam kra khok thun na thüto.

2 KAÜWA WERAÜ 32:29

Arthun arthaq niimin Shiikeawe raq apaiq ma skukong kiimaq jam nyamse kong kiimaq laihin tsiiq anyam pahea kuqto. Krai mren apaiq raq chela thun pahea tei wanto.

YOBA 1:21

Apaiq raq akha nguto, “Inyung puk maq siipe chiito, kiimaq ngi ka siipe hali mitsai nong ha. Tatiwe raq kuqto, kiimaq ümchaü apaiq raq hali lam wan nongto. Apaiq mang kli mitiitsam laq!”

YOBA 40:12

Kriq, tsangshiq theaphi na liilaütli tsangshiq ka tiidea baiq laq; abi ati maiqse ka tsangshiq chap chang kiijiili tiinamtok tiiqbaiqlaq.

YOBA 5:11

Tengto, Shiikeawe riidea wepuq weseti ka ajong ma tiijatlo; kiimaq aho ajüti ka apaiq raq boqpum raüta tiichochi tlo.

Tvtsvmc 75:7

Shiikeawe kli phowe ka, wiijam ka atiishut mirbaiq wan kiimaq wiijam ka alam ma mitiijabaiq wan.

Tvtsvmc 75:8

Tatiwe jaq na khap ashi shamshat, kra khap mong na atsankhiq henghea chetsai thütlo. Apaiq raq kra khap kiiwa tsümkuqtlo, abi maiqse tarü raq kra nyangtlo; tsangshiq raq che ka tsantiiheali chhaq khap ka tsit-hok raüta nyangtlo.

TAKSU LAK 22:2

Chiithe maiqse nai miitsan maiqse ka adamli; tsangnai wiita phansangti ka Tatiwe.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

JEREMIA 49:15

Tatiwe raq ümniika ningkun ajom miishe mitiijabaiq. Kiimaq ümniika jurmin shreng mak she miraq.

EJEKIEL 17:24

Kra mung na sitlaq pechong tlotli raq, Ngi ardea Tatiwe nguta misap wan. Ngi raq pechang luheati thun ka adaq riibaiq kang, lata chongran setiim ka diiluhea hea tiijong tiikang. Ngi raq pesang chong thun ka atiijung riibaiq tiikang, lata shinriiqriiq chong thun kra ajaq nümwala waichatchat tiijabaiq tiikang, Arka Ngi, Tatiwe raq ngutiikang. Ngi raq jamlai wa mikloha ngutiikang, kriika Ngi raq mikloha dongdii.”

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.