1 SAMUEL 13:2 - ASII LAKDAP Bible (BSI) Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto. |
Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”
Kra ningkhan, asaü asetiim wa maiqwesetiim wemiishi kra lap laüta naishiq ma atra maq kiinong kuq laq. Raüla naishiq raq tsangshiq ka Tatiwe man na, Gibeon chela na, Tatiwe raq Saul ka tsea raüta hokham ma ashong wanwe sichang kriijaq mitiishak paq baiqhai.” “Ahea ikhla. Ngi raq tsangshiq ka lap lata namshiq ma mikiinong kuq baiq kang,” nguta hokhamwe treto.
Kiimahali, Benjamin phan wa mungmaiqse thun ka, Geba chela na, Mikhmash chela na, Ai chela na, Bethel chela na, kiimaq arthun chela tro, hiqshong thun sitlaq kiijaq shong wanto.
Jela, Haeleph, Jebus, (riimakla Jerusalem), Gibea, kiimaq Kiriath Jearim chela thun riito: Chela roqshi ri blai kiimaq kra thun tro binjü na chela ransetiim thun romshaq. Benjamin phan weraü ma achumkuq tachong hiqshong ka rathun ara riito.
Joshua raq tsangshiq ma akha ramram kuq raüta tsangshiq ka tiiwato: “Namshiq ka jam na chiithe jong she, nyamse kong pahea, kampho, chaq, miiki ngam, jin, kiimaq khu akhea howan lantiishe wawan tlan. Namjaqtinok jaq wa alam wan han sepat lopi thun ka namphu namnobi rai riiphea riinyin riironglaq.” Kra raütiishe tsangshiq ka maiqmii hiqshong niishe wawanto. Mosheq raq Manase phan wa nokkho miika, Jordan rai maq shedong nü wang kriiwa tsangshiq rii hiqshong chumkuqto. Shatmaq Manase phan nokkho miika, Joshua raq Israilnok maiqphan ahinti krai, Jordan rai maq shenyap nü wang binjü kiiwa chumkuqto.
Shatmaq atijongwe raq nguto, “Ümra chela niiwa Israilnok simak, kiijiika nashiq khingmai. Nashiq ka alea li mirwan rong i laita iniikiijaq phanshi walaita Gibea riimakla Rama chela kiijiitiq mijap wan rong i.”
Kiimaq Saul min Gibea chela niishe jang wan nongto. Shiikeawe raq tsangshiq tsan tsii tiinin jeti maiq wiijam kuilajongbi ka apaiq rai wawan damto.
Kra laütiishe ümniika Gibea chela na Shiikeawe Hiqlam kiiniishe miwa haü. Kriijiika Philistainnok phenlabi piitiip asi miraq. Kra chela kilamchong na saü wan nini niishe, hiqlam na berong-wacha kiimaq aki, shammibi kongshi, phaqlamtoro, nong, paimin, kiimaq torokong thun kra tsüwa trang lam maq asatkai akai rai mirhum haü. Tsangshiq ka wiinum shewa, agi asiiwa trang la miraq.
Hokham ma jawantaq akhing na Saul ka rawii roqtsam maiqshe riito. Kiimaq apaiq raq Israil mung thaq na hokham jaqsham ka rawii roqblai ri wiinai shamto.
Shatmaq Samuel raq, “Ümniiraq ara jamlai she wa riilaü?” nguta nguto. Kiijiishe Saul raq treto, “Mungmaiqse raq ngi ka atiishaübaiq wan miiqmiiq she riito. Kiimaq ümniika misaüha ngulaü shatmaq saü maü dea. Kiimaq Philistainnok ka Mikmash hiq niishe thungwanto.
Krai mren, Samuel ka Gilgal chela maq ahin nü niishe wawanto. Kiimaq mungmaiqse phong riika Saul jai phanphan Saul phenlabi rai pongwan damto. Tsangshiq ka Gilgal chela maq tiido wan raüta Benjamin wang na Gibea chela kiiniishe wawanto. Saul raq asengi phenlabi hingtrok tin asi kriishe konchon liito.
Kiimaq Saul nai ase Jonathan kiimaq tsangshiq sengi phenlabi thun ka Benjamin wang na Giba chela na piitiip tei raüta sito. Kiimaq Philistainnok piitiip ka Mikmash kinchit na riito.
Philistainnok raq phenlabi kongshi ka Mikmash kinchit lam kra tiikhe wan nai Israilnok tiikhat wa tiiwato.
Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.
Kra ranaiq Israilnok raq Philistainnok ka khat raüta tangto. Mikmash maq phaho raüta Aijalon chela na saüli khatto. Kra akhing na Israilnok ka ramtsi raq ahaü she kha maq anii ningkun ahü she riito.
Kaüshi ka kra kinchit maq shekhu nü nü na, Mikmash kinchit kriimaq khariire na riito. Kiimaq kaüshi riiwe ka shemai nünü na Giba chela maq khariire nü na riito.
Apaiq atra sishat wiiwii ka, Saul raq Philistainnok rai rachhai ralüp wa ikha, riikhat wan ruq riito. Kra ningkhan na, ümtiikiiwa apaiq raq maiq weshi ra ahong ala riimakla srea nolajong hum raüla, kriiti ka apaiq raq asengi phenlabi ma shong wantlo.
Raütiishe Samuel ka Rama chela na wawanto. Kiimaq Hokhamwe Saul ka ahiqshong na Gibea chela niishe wawanto.
Raüta apaiq ka skukong rüm chang wakram tiip tho na lamkii na longshakaü ashi asi, kra longshakaü ki na phai na ngakai kito. Kra longsha ka atsaüwiq riito. Kra akhing na longsha mong na Dawit nai akongtitiim ka tiipaü ngaraqraq riito.
Kra tsütsa ka tai raüta, Saul ka tlothitli tiidopot raüta Israil mung wa asengi srea nolajongbi phenlabi hingtsam sheaho raüta, Dawit rit kai Jiph kumtsaiphii wang kiina kihoto.
“Namshiq hokhamwe raq namshiq ka akha mijamsha,” nguta Samuel raq tru chongkuqto. “Apaiq raq namsetiim ka phenlabi ma mitiija. Tsangshiq phong wa wiijam ka rekhat chang kumrang leng na chaoti phenlabi ma mitiija. Kiimaq wiijam ka apaiq kumrang thaq na chao raüta rekhatti ma mitiija. Kiimaq wiijam ka apaiq kumrang leng thun khaki na mitiiju jap.