1 Peter 2:23 - ASII LAKDAP Bible (BSI) Shatmaq, maiq raq apaiq ka kai shummiito. Li jiimin apaiq raq tsangshiq ka shummii mak. Tsangshiq raq apaiq ka kai tiichamchaoto. Shatmaq apaiq raq tsangshiq ma atham mirkuq ha nguta tiiphiipjiip mak. Shatmaq apaiq raq arilung ka Tingting Phowe, Shiikeawe jaq na wiita apkuq raüta, anin li riito. Hawa Naga Bible 2001 Vpiq muex yomnamc ngoz ngax koq muinz bomc tvyez khawc ngoz tueq vguez, vpiq kuilc daz rvhumc tueq nuex tvhiz tvsungx ngoz tueq vguez maq, tsuingrux phoc waz Tishox yauk nuex vpiq rueq tvluimc yaq lvmx kuex tvshuk lekuq tueq. Muklom Piq aa junnam raaq tat eq junnam thawel moq angta, tsamnang kap eq tho miq dak ma tsamnang kot moq angta. Etharin piq ni piq tha asing phungwa jaknáng kotchak ta. |
Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”
Shatmaq, ümniiraq chhitlaü; ümniiraq litkot chamchao maiqse ka achhi haü, laüta wranaiqshe tsangshiq khrumke miitu khekham sitlaü. Ümkoq ümphaqti raq akhum ka ümniima kiinong kuqtlo; ümniiraq athüm alitti ka wranaiq she khrum tlaü.
Ümjaqkhon mong na ikhum kiinong kuq tiikang. Ümniiraq ngi mitiichhii kuq haü, Tatiwe lei; Ümniika tsapsaükapse Shiikeawe.
Ümkhum ka Tatiwe ma kiinong kuqlaq; apaiq maq kamlaq, raüla apaiq raq ümnaq mikhrumkuq;
ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.
“Apaiq ka notshot haihü wanto, shatmaq apaiq raq kaiqshak miili nin wanto; apaiq raq bom poshi min bom mak riito. Skuranse ataa phaho ma hitho tlaq ikha, skuse abin sima hithotlaq ikha, apaiq raq bom poshi min bom mak riito.
Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.
Kiimaq, Jesuq raq tiihong raüta, “I We lei, i wenyi ka ümjaq khon na kiinong kuq tiikang!” nguta gito. Apaiq raq ara ngu raütiishe, alang ka tiipitto.
Krai mren she, Herod raq Jesuq ma bom ka pahea waisoto. Shatmaq, Jesuq raq apaiq bom ka poshi min tre mak riito.
Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”
Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.
Tsangshiq raq apaiq ka long maq thong tlaq liipan na, Stephen raq Tatiwe jaq wa, “Tati Jesuq Khristo lei, i tsai ji ara ümniiraq tao laq!” nguta achu jaüto.
Kra bala siili, Saul raq Tatiwe sengi thun ka, tiikot mrot rit raüta, atsea ata tiiphiip miijiip, shiikeng wanto. Krai mren, apaiq ka Ramwe Ajong Pinthum we phana wato.
Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.
Kiimaq namshiq atijong wetiim riimin, tsangshiq raq namshiq jamkho shreng tlaq, kiimaq shiililii tlaq, kra khankhan sii hali, namshiq riimin mangchan ronglaq. Kiimaq tiiphiip miijiip, tiihai miichhai kiqla hiip-hii ka naq riirongkiq. Namshiq raq tsan na tiitsang shat ronglaq, namshiq atijong wetiim nai namshiq disetiim ka, ramungtan na nga raüta kha photi we namshiq ma taro, Tatiwe kra rii siisaq sitlan. Apaiq raq wiitarü ka kappe ashi miili she mishin.
Riita, arthun chongtiikai ara miili she, Shiikeawe raq kha phokuq tlaq arka, tingting maq shin raütiidea phokuq tlo nguta, nashiq raq sap tiikai. Kiimaq ümchaü namshiq chamchao tlan arkha maq, namshiq ka apaiq Mungtan na, awokhong na, awongsii asengibi ma mitiija wan.
Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.
Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.
Apaiq ka ümtinkhan wa, achong lot mai, chamchao walü mong maq lea wantaq, kra tiima rong laq. Ngarai maiqse raq, apaiq ma achong lotmai ngeng seng wanto. Raüta, tiichamchaoto. Kriithun ka wiita anin riiwanto!
Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.
Ara chongtiikai ara ningkhan na, Phungmaiqse ümriiti wa, Shiikeawe riidea thimi wan kha na chamchao tlaq jiika, tingting jaqsham tlaq kra lümaq tsangshiq khum ka tsangshiq Phansangtiwe jurwa akiqkham bomtsi ka riikhaqli tiihongkuqtlaq kriima kunli kiinong kuq raütli misilaq.
Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.