1 Peter 1:17 - ASII LAKDAP Bible (BSI) Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq. Hawa Naga Bible 2001 Ekvmaq miqsaz lotlaz kuex htvlx phawc thvl muq maq tsuingshiq rueq shuimx kaz wvnc tueq kvruex tv-phvnc phox kuq yaq Tishox kox wawc vjux thoz shuinz nuex, nuimshiq rueq vpiq Waz ngoz tueq gvl vtueq vjux thoz vshuinx; kvkhoc rvtueq vruex mungkawx vyuq vtvraungx httax tuinx wawwawx vpiq muex hiyaz tvtsanc nganc kuy rax tuex. Muklom Nim aa Shkewa shima iwa ta raaq eq piq ching wang romtam chu inn, barey arum aa thaji jaksom sha kara phung aa, iri rangma nim mingkang ro adak mung miqtang mal piq ma cho eq tong inn. |
Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”
O Tatiwe lei, ümniiraq asap haü, naishiq rilung arka, naititiim pat na munglu shumwi rilung nai wanshawe rilung siwantaq ikhli, siwan tiikai. Naishiq rilung arka rashe kii na maiq tsaiji lea wan tlaq ikhli sitiikai. Kiimaq naishiq ka atsaikai changli sitiikai.
Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”
Apaiq raq tuwebi rai min pong mak riimakla chiithe maiqse rai pong raüta miitsan maiqse ka tiishaü mak, jamkhano ngukla wiitarü ka apaiq raq aphansang siisaq.
Ngi achujaü tailaq, Tatiwe lei, laüta ngi hoqsii tiikang ara tailaq; Ngi hoqtiikang na ümnaq kilaüta khrumlaq. Ititiim thun wiita ikha ngi armin alose miitu ümwanwe ma jatiikang.
Apaiq raq ngi ma akha mingu, ‘Ümniika iwe kiimaq i Shiikeawe; ümniika ngi khupwongti kiimaq ngi chhiiti.’
Taksu maiqse ka honkamshat maq sitlo, shatmaq maiqjiq ngamphiqti ka, taülaükhiq mophiim phiim shamkitlo.
Tatiwe aming wokhong na, siti ma kechu jonghea miraq. Shatmaq jurwa atsantsii, tiitsin raüta sitlaq, kriiti ka ashthen mirbaiq.
Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.
“Kra lata ngi raq mangjong maiqse kunli, tsan nai tsii kra wiita miklai wanha. Tsangshiq kunli raq ngi li she mishom noq wan. Ahin phra ka shomnoq wan mak she miraq. Tsangshiq tarü kunli, iwokhong niishe misi wan.
Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.
Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.
Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;
Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.
Nawe Shiikeawe kiimaq Tati Jesuq Khristo raq namshiq ka kaphap shat mirlaq kiimaq khusang maq mirümlaq.
Ara ningkhan tiina, nashiq ka wranaiqshe tsaiji tiijong laita mongngam maq sitiikai. Nashiq raq asap i, nashiq ka ara han-ngam hiqda jam mong na sitiikai wiiwii, nashiq ka Shiikeawe raq ahaikuq jam kriiwiika alu na sitiikai ngushat.
Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.
Namshiq tsanbitaq kriika, Shiikeawe raq thimi tlaq kiijaq hong wanto. Liimanta, kra tsanbi wantaq kra lümaq, namshiq ma ahea lamlu she saüto! Namshiq raq kra ajiq mra kra tru wan miitu, kha ka phokuq lan she. Lanta, namshiq ka shut wan dam man, sepii dea nguta, tri raü ka riikhaqli maq sham lanta, ajiq we kha ka phokuq lan. Jamlai mra wa pintaq, kra miitu namshiq tsan khiq wanto. Kiimaq kra jai niimin, mra pin nong jiiq nguta, ümchaü ka namshiq tiihai song shat miishe sitlan. Kra mra pin kha maq, namshiq raq i sham chhi ro riilan. Kiimaq namshiq raq i khum tiikhe bom chong lan. Kiimaq ajiq we ka tsa lan she. Riita ara mra pintaq, raüta kra mra tiisup jaqsham wan na, namshiq ka jam shut ahü, sepii dea nguta tiichhi kuq lan she.
Kra akhing na, ümriiti wa phungtu thaq na, ashun asheatibi sitiikai lii nguta tiichannei rai tlaq tibi kriika, ngi raq asap man sap mang. Tsangshiq ka wela sha jarai tla, jamak wa kriika, ngi ma jamlai akhek riimak. Shiikeawe raq, maiqse ka asham na lii raüta, maiqshaq nai maiqkhü ngutiika chechiip mak. Kriika, tsangshiq welabi nguta sitlaq kra ngo nangnga ngutiikang. Kiitiikaq, kra chong tiikang welabi raq, ngi ma jamlai phan anye sungkhu tsiilam chongke wan, akhiijo ihiq jo nguta, ngi ma jam min chongkuq mak dea.
Kiimaq nashiq Tati Jesuq Khristo ma Awejong Shiikeawe, achhai anyii khushü ajong rümti we jaq wa, namshiq miitu achu jaü tiikang, apaiq raq namshiq ma, Asii Wenyi ka asho awo mikuq laq nguta. Raüta namshiq ka, wenyi rilung na taksu maiqse ma mitiija laq. Kiimaq, Asii Wenyi raq namshiq ma Shiikeawe rai atsaü maq mang mitriisap kuq wan laq. Krai mren, namshiq ka apaiq ma tsanwa wetiim ma mitiija laq.
Riita, arthun chongkuq tiikang, ara ningkhan tiina, ngi ka kaütsrong na bum lata, Awe Shiikeawe jaq wa, namshiq miitu achu jaü kuq tiikang.
Kiimaq namshiq atijong wetiim riimin, tsangshiq raq namshiq jamkho shreng tlaq, kiimaq shiililii tlaq, kra khankhan sii hali, namshiq riimin mangchan ronglaq. Kiimaq tiiphiip miijiip, tiihai miichhai kiqla hiip-hii ka naq riirongkiq. Namshiq raq tsan na tiitsang shat ronglaq, namshiq atijong wetiim nai namshiq disetiim ka, ramungtan na nga raüta kha photi we namshiq ma taro, Tatiwe kra rii siisaq sitlan. Apaiq raq wiitarü ka kappe ashi miili she mishin.
Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.
Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.
Kiimaq abi ati kiimungti ümchuwa sitlaq kriika, apaiq raq jamlai wa ajiq klo tlaq, kra miitu jaq maq milap. Ara jamkhano chongtiikang ngukla, Shiikeawe raq maiqse angu wiitarü ka, tok ashi miili shin tlo.
Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.
Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.
Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.
Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.