Zefaniya 1:14 - Siswati 1996 Bible

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Zefaniya 1:14 Referencias Cruzadas

Isaya 15:4

Bantfu baseHeshboni nebase-Eleyale bayakhala, emaphimbo esililo sabo evakala khashane, ngisho naseJahasi. Ngako-ke nemabutfo emphi akaMowabi lahlomile ayakhala, tinhlitiyo tawo tiyatfutfumela.

Isaya 33:7

Buka la, emadvodza akubo lanesibindzi akhala kakhulu ngephandle; emancusa ekuthula akhala kabuhlungu.

Isaya 66:6

Vanini umsindvo losedolobheni, nive nemsindvo losethempelini! Ungumsindvo waSimakadze atiphindzisela etitseni takhe ngenca yetento tato.

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Jeremiya 25:36

Lalelani kukhala kwebelusi nekulila kwebaholi bemhlambi, ngobe Simakadze ubhidlita lidlelo labo.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 46:5

Kodvwa ngabe ngibonani? Bayesaba, bayakhwesha, emabutfo abo ayehlulwa. Bagijima bashiya inyosi, bayabaleka, abasabuki ngisho nasemuva, futsi sekunekwesabeka neluvalo yonkhe indzawo,” kusho Simakadze.

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Hezekeli 12:23

Khuluma kubo, utsi: ‘Naku lokushiwo yiNkhosi Simakadze, itsi: Ngitasicedza lesaga, bangaphindzi basikhulume lapha ka-Israyeli.’ Khuluma kubo, utsi: ‘Emalanga asasondzele lapho yonkhe imibono iyawugcwaliseka.

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 7:12

“Sikhatsi sesifikile, lilanga selikhona. Lowo lotsengako akangajabuli, nalowo lotsengisako angadzabuki, ngobe lulaka lusetikwaso sonkhe lesicumbi.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Joweli 3:14

Ticumbi ngeticumbi esigodzini sekwehlulela! Ngobe lilanga laSimakadze selisondzele esigodzini sekwehlulela!

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Amose 8:2

Simakadze wase uyangibuta utsi: “Ubonani, ye Amose?” Ngamphendvula ngatsi: “Ngibona libhasikidi lelinetitselo letivutsiwe.” Simakadze wase ukhuluma kimi utsi: “Sikhatsi sesive sami saka-Israyeli sesiphelile, ngingeke ngisasicolela.”

Zefaniya 1:10

Simakadze utsi: “Ngalelo langa kuyawuvela kukhala eSangweni Lenhlanti, kuvele kulila eNcenyeni Lensha yelidolobha, nekuphihlika lokukhulu lokuphuma emagcumeni.

Zefaniya 1:7

“Thula embikweNkhosi Simakadze, ngobe lilanga laSimakadze selisondzele. Simakadze sewulungise umhlatjelo; ubehlukanisile labo labamemile.

Malakhi 4:5

“Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Imisebenti yebaPhostoli 2:20

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelimatima leNkhosi.

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

KumaHebheru 12:26

Livi lakhe lanyakatisa umhlaba; kodvwa nyalo sewetsembisile watsi: “Ngitawuphindze nginyakatise, hhayi umhlaba kuphela, kodvwa nelizulu.”

YaJakobe 5:9

Bazalwane, ningasolani, khona ningetikwehlulelwa; nangu uMgwebi aseme emnyango.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.