Zakhariya 9:8 - Siswati 1996 Bible

Kodvwa ngiyakuyivikela indlu yami, ngimelane nanome nguyiphi imphi lengahle yendlule kuyo. Bacindzeteli abasayiwuphindze basibuse sive sami, ngobe nyalo sengiyaselusa ngemehlo ami.

Zakhariya 9:8 Referencias Cruzadas

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

2 Emakhosi 19:34

“Ngitalivikela lelidolobha ngilisindzise, ngenca yami nangenca yenceku yami Davide.”

2 Emakhosi 23:29

Ngesikhatsi Josaya ayinkhosi, Faro Nekho, inkhosi yaseGibhithe, wenyuka wayawusita inkhosi yase-Asiriya ngasemfuleni iYufrathe. Inkhosi Josaya yamhlangabeta, imphi yabambana etulu, kodvwa Nekho wabhekana naJosaya, wambulalela eMegido.

2 Emakhosi 24:1

Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

Tihlabelelo 34:7

Ingilosi yaSimakadze yakha umtsangala lotungeleta labo labamesabako, ibakhulule, iphindze ibavikele.

Tihlabelelo 72:4

Shangatsi ingabavikela bantfu labatimphofana, ikhulule labeswele, ipitjite bacindzeteli!

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Eksodusi 3:9

Sengikuvile kukhala kwebantfu bami, sengikubonile nalokucindzetelwa kwabo ngemaGibhithe.

Taga 3:25

Ungesabi kutunywa yinhlekelele yengoti nekuhlaselwa bantfu lababi;

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 31:5

Njengenyoni lendizela etikwesidleke sayo, Simakadze longuSomandla uyakuvikela iJerusalema; uyakuyivikela abuye ayisindzise, uyakwendlula kuyo, ayilamulele.”

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Isaya 54:14

Uyawusinyiswa ekulungeni: Kubuswa ngelunya kuyawuba khashane nawe; kute loyawukwesaba. Luvalo luyawususwa lulahlwe khashane, lungasondzeli kuwe.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 46:13

Lona ngumlayeto Simakadze lawutjela Jeremiya, umphrofethi, ngekuta kwaNebukhadnezari, inkhosi yaseBhabhulona, kutawuhlasela iGibhithe, watsi:

Jeremiya 46:2

Macondzana neGibhithe: Lona ngumlayeto macondzana nemphi yaFaro Nekho, inkhosi yaseGibhithe, leyehlulwa eKhakhemishi ngasemfuleni iYufrathe, yehlulwa nguNebukhadnezari, inkhosi yaseBhabhulona, ngemnyaka wesine wekubusa kwaJehoyakimu, umsa waJosaya, inkhosi yakaJuda, utsi:

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Amose 9:15

Ngiyakuhlanyela ema-Israyeli eveni lawo, angaphindzi futsi asishulwe kulelo live lengiwaphe lona,” usho njalo-ke Simakadze Nkulunkulu wakho.

Zakhariya 12:4

Ngalelo langa onkhe emahhashi ngiyakuwashaya ngeluvalo, bagibeli bawo bona ngibashaye ngekuhlanya,” kusho Simakadze. “Liso lami liyawubasetikwendlu yakaJuda liyeluse, kodvwa onkhe emahhashi ebetive ngiyakuwaphumphutsekisa.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Zakhariya 14:11

Iyakuhlalwa bantfu; ingeke iphindze ibhujiswe. IJerusalema iyawulamuleleka.

Zakhariya 9:7

Ngiyawukhipha inyama leyingati emilonyeni yabo, ngivungule kudla lekutinengiso lebekunikelwe etithicweni lokusasele emkhatsini wematinyo abo. Labo labayawube basele sebayawuba baNkulunkulu wetfu babe baholi kaJuda, i-Ekroni iyawuba njengemaJebhusi.

Imisebenti yebaPhostoli 7:34

Ngibukile ngabona kuhlupheka kwesive sami eGibhithe. Sengikuvile kukhala nekububula kwaso, sengehlile kutasisindzisa. Wota-ke manje, ngitekutfumela eGibhithe.’

Sembulo 20:9

Tenyuka tahlakateka nemhlaba wonkhe, tafike tatungeleta inkambu yebantfu baNkulunkulu nemuti lotsandzekako. Kwehla umlilo uphuma ezulwini, watidla tonkhe.