Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”
Zakhariya 8:8 - Siswati 1996 Bible Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.” |
Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”
timiso lengayala ngato bokhokho benu mhlazane ngibakhipha eGibhithe, embawuleni yemlilo loncibilikisa insimbi.’ Ngatsi: ‘Lalelani mine, nente konkhe lenginiyala ngako, khona niyawuba sive sami, nami ngibe nguNkulunkulu wenu.
kodvwa bayawutsi: ‘Kuphila kwaSimakadze, lowakhipha titukulwane taka-Israyeli eveni lelingasenyakatfo nakuwo onkhe emave lapho abeticoshele khona,’ tiyawube setihlala eveni lato.”
Ngiyawubapha inhlitiyo yekwati mine kutsi mine nginguSimakadze. Bayawuba bantfu bami, mine ngibe nguNkulunkulu wabo, ngobe bayawuphendvukela kimi ngayo yonkhe inhlitiyo yabo.
Simakadze utsi: “Ngaleso sikhatsi ngiyawuba nguNkulunkulu wato tonkhe tinsendvo taka-Israyeli, tona tiyawuba sive sami.”
Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.
Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.
nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”
Bayawube sebalandzela timiso tami, banakekele kugcina imitsetfo yami. Bayawuba bantfu bami, mine ngibe nguNkulunkulu wabo.
Niyawuhlala eveni lengalipha boyihlomkhulu, niyawuba sive sami, mine ngibe nguNkulunkulu wenu.
“ ‘Naku lokushiwo yiNkhosi Simakadze, itsi: Mzukwana nginihlanta kuto tonkhe tono tenu, ngiyakuwatintisa kabusha emadolobha enu, netindzawo tenu lebetibhidlitiwe tiyakwakhiwa kabusha.
Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.
Indzawo yami yekuhlala iyawuba kubo; mine ngiyawuba nguNkulunkulu wabo, bona babe bantfu bami.
Bayawuta batfutfumela njengetinyoni tiphuma eGibhithe, nanjengematuba aphuma e-Asiriya. Ngiyawubahlalisa emakhaya abo,” kusho Simakadze.
Live lakaJuda liyawuhlala lakhelwe bantfu phakadze naphakadze, kanjalo neJerusalema iyawuhlala inebantfu titukulwane ngetitukulwane.
Ngiyawubabuyisa besuke kulaseGibhithe, ngibabutse kulase-Asiriya. Ngiyawubayisa kaGileyadi naseLebanoni, lapho bayakweswela nendzawo yekuhlala.
“Ngiyakuyicinisa indlu yakaJuda, ngiyisindzise indlu yakaJosefa. Ngiyakubabuyisela, ngobe nginesihawu ngabo. Bayakuba shangatsi angizange sengibalahle, ngobe mine nginguSimakadze Nkulunkulu wabo, futsi ngiyawubaphendvula.
Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”
“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.
Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.
Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.