Zakhariya 7:9 - Siswati 1996 Bible

“Naku lokushiwo nguSimakadze longuSomandla, utsi: ‘Yehlulelani ngekwemtsetfocotfo, niphatsane ngemusa nangeluvelo kulowo nakulowo.

Zakhariya 7:9 Referencias Cruzadas

2 Samuweli 9:7

Davide watsi: “Ungesabi, ngobe ngempela ngitakwentela umusa ngenca yeyihlo Jonathani. Ngitalibuyisela kuwe lonkhe lelo live lelalilamkhulu wakho Sawula, wena-ke utabodla nami njalo nje etafuleni lami.”

Jobe 31:20

inhlitiyo yakhe yangete yangibusisela kumfutfumalisa ngetimfulumane letiphuma etimvini tami,

Jobe 6:14

“Umuntfu losaphelelwa litsemba kufanele akhutsatwe bangani bakhe labetsembekile, nakhona asakufulatsela kwesaba Somandla.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Jeremiya 21:12

awu, wenandlu yakaDavide, naku lokushiwo nguSimakadze, utsi: “ ‘Sebentisani umtsetfocotfo njalo nje ekuseni; nimephule esandleni semcindzeteli lowo lodlelelwe; ngaphandle kwaloko intfukutselo yami itawuvuka ivutse njengemlilo ngenca yebubi lenibentile, yebo, ivutse kubete nalongayicima.

Jeremiya 22:3

Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Jeremiya 7:5

Nanitigucula ngempela tindlela tenu netento tenu, niphatsane ngekwemtsetfocotfo,

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 45:9

“ ‘Naku lokushiwo yiNkhosi Simakadze, itsi: Senone kakhulu, nine babusi baka-Israyeli. Khawulani lobudlova benu bekucindzetela bantfu. Yentani lokulungile nalokwemukelekako kuNkulunkulu kutsi kulungile. Ningaphindzi nicoshe bantfu bami eveni labo, kusho iNkhosi Simakadze.

Hoseya 12:7

Umhwebi usebentisa tikalo letingaketsembeki; uyakutsandza kukhwabanisa timali.

Levithikusi 19:15

“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.

Amose 5:24

Kodvwa kwenta tintfo ngekungakhetsi akube yintfo legeleta njengemfula, kulunga kube yintfo legeleta njengemfula longashi.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zakhariya 7:7

Akusiwo yini emavi aSimakadze lawo lamenyetelwa ngebaphrofethi bakucala, ngesikhatsi iJerusalema kanye nemadolobha layitungeletile asephumulile, aphumelela lapho khona kwaze kwatinta iNegevu nelihlanze langasenshonalanga?’ ”

Zakhariya 7:8

Livi laSimakadze laphindze lefika futsi kuZakhariya, latsi:

Matewu 23:23

“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.

Lukha 11:42

“Kodvwa maye kini, baFarisi! Ngobe nikhipha kwelishumi kwashaladi, napelepele, netinandzisi tonkhe nivilaphele kulunga nekutsandza Nkulunkulu; loko benifanele kukwenta ngaphandle kwekukuvilaphela loku.

Johane 7:24

Ningabokwehlulela ngekubuka kwemehlo enu, kodvwa yehlulelani ngekwehlulela lokulungile!”

Johane 7:51

“Kodvwa ngekwemtsetfo wetfu umuntfu uyanikwa yini sigwebo angakaze abutwe kuvakale kahle kutsi cala lini lalentile?”

Dutheronomi 22:1

“Nangabe ubona inkhabi nome imvu yemnakenu ilahleka, ungayitsalaliseli, kodvwa caphela kutsi uyayikhawula uyibuyisele kuye.