Zakhariya 7:3 - Siswati 1996 Bible

ngekutsi babute baphristi basendlini yaSimakadze longuSomandla kanye nebaphrofethi, batsi: “Ngilile yini ngizile nekudla ngenyanga yesihlanu, njengaloku bengivele ngenta kuleminyaka leminyenti leyendlulile?”

Zakhariya 7:3 Referencias Cruzadas

Ezra 3:10

Batsi kube bakhi babeke sisekelo selithempeli laSimakadze, baphristi lababegcoke tembatfo tabo, baphetse emacilongo, bakanye nemaLevi, emadvodzana a-Asafa, labephetse bokhencekhence, bonkhe bema ngabolonina balungela kudvumisa Simakadze, njengobe kwakuvele kwahlelwa nguDavide, inkhosi yema-Israyeli.

Umshumayeli 3:4

sikhatsi sekukhala nesikhatsi sekuhleka, sikhatsi sekulila nesikhatsi sekugidza,

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Hagayi 2:11

“Naku lokushiwo nguSimakadze longuSomandla, utsi: ‘Buta kubaphristi kutsi umtsetfo utsini:

Zakhariya 7:4

Livi laSimakadze longuSomandla lase liyefika kimi, latsi:

Zakhariya 7:5

“Buta kubo bonkhe bantfu bakulelive nakubaphristi babo, utsi: ‘Ngalesikhatsi nizila kudla nilila ngenyanga yesihlanu neyesikhombisa kuleminyaka lengema-70 leyendlulile, benivele nizilela mine yini?

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

1 kubaseKorinthe 7:5

Ningagodlelani, kuphela kube kwesikhatsi lesitsite nje, kuye ngekuvumelana kwenu kutsi nitfole litfuba lekuthandaza kahle, nibuye nihlangane futsi, kuze Sathane anganilingi ngekwehluleka kwenu kutibamba.

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.