Zakhariya 14:2 - Siswati 1996 Bible

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.

Zakhariya 14:2 Referencias Cruzadas

Isaya 13:16

Tinswane tabo tiyawuphahlatwa tibe ticucu embikwabo babuka, tindlu tabo tiyawuphangwa, nebafati babo badlwengulwe.

Isaya 4:3

Labo labashiyiwe eSiyoni, labasasele eJerusalema, bayawubitwa ngekutsi ngulabangcwele, bonkhe labo labayawube babhaliswe nalabaphila eJerusalema.

Isaya 5:26

Tive letikhashane uyakutiphakamisela siboniso, ashaye impembe atibite khona emaphetselweni emhlaba. Ngekushesha lokukhulu tiyakuta.

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Jeremiya 21:4

‘Naku lokushiwo nguSimakadze, Nkulunkulu wema-Israyeli, utsi: Sengitanijikela ngilwe nani ngetikhali temphi letisetandleni tenu, lenitisebentisako ekulweni nenkhosi yaseBhabhulona kanye nemaBhabhulona lanivimbetele langephandle kwelubondza. Ngitatihlanganisa ndzawonye ngekhatsi kwalelidolobha.

Jeremiya 34:1

Kwatsi ngesikhatsi Nebukhadnezari, inkhosi yaseBhabhulona, nawo onkhe emabutfo akhe, nayo yonkhe imibuso yakhe, netive tonkhe letatingaphansi kwakhe tisalwa neJerusalema nawo onkhe emadolobha layitungeletile, kwefika livi kuJeremiya liphuma kuSimakadze, latsi:

Sililo 1:10

Sitsa sabeka tandla taso kuyo yonkhe imicebo yayo; iJerusalema yabona betive bangena ethempelini layo, labo lowabalela kutsi bangene ebandleni lakho.

Hezekeli 5:8

“Ngako-ke naku lokushiwo yiNkhosi Simakadze, itsi: Mine, matfupha, ngimelene nawe, Jerusalema, futsi ngiyawukushaya ngesijeziso embikwato letive tibukile.

Joweli 3:2

ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.

Joweli 3:9

“Memetelani naku etiveni: “ ‘Tilungiseleleni imphi! Vusani emabutfo! Emasotja akasondzele atewuhlasela.

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Zakhariya 12:2

“IJerusalema ngitayenta ibe yindzebe leyenta tonkhe tive letiyitungeletile tidzayitele. Emadolobha akaJuda atawuvinjetelwa kanye neJerusalema.

Zakhariya 12:3

Ngalelo langa, mhlazane tonkhe tive temhlaba tibutsene ndzawonye kutawumelana nayo, iJerusalema ngiyakuyenta ibe lidvwala lelisindzako kuto tonkhe tive. Bonkhe labetama kulisundvuta bayakutilimata bona.

Zakhariya 12:9

Ngalelo langa ngiyawuphuma ngiyewubhubhisa tonkhe tive letihlasela iJerusalema.”

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.

Makho 13:14

“Kodvwa nanibona ‘Sinengisoncitsakalo’ eme endzaweni lengakamfaneli,” (lofundzako akacaphele inchazelo yaloku), “labo labaseJudiya ababalekele etintsabeni.

Makho 13:19

Ngobe kulawo malanga kuyawuba netinhlupheko letinkhulu, letingazange setibekhona kusukela ekucaleni kwendalo yaNkulunkulu kudzimate kube ngulamuhla, futsi tingeke tiphindze tibe khona.

Lukha 2:1

Kulawo malanga Khesari, Agustusi, wamemetela kubo bonkhe bantfu bembuso kutsi kubhaliselwe lubalo.