Zakhariya 11:10 - Siswati 1996 Bible Ngase ngitsatsa indvuku yami lenguMusa, ngayephula, ngephula sivumelwane lengase ngisente kanye nato tonkhe tive. |
Sewusicitsile sivumelwane senceku yakho, umchele wayo uwutsele ngelihlazo, wawudzicela phansi.
Shangatsi lutsandvo lweNkhosi lenguNkulunkulu wetfu, lungabasetikwetfu. Shangatsi ungawubusisa umsebenti wetandla tetfu; yebo, phumelelisa umsebenti wetandla tetfu.
Ngenca yeLibito lakho ungasibukeli phansi, ungasenteli phansi sihlalo sakho sebukhosi bakho lobukhulu. Khumbula sivumelwane sakho lowasenta natsi, ungasephuli.
‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.
Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.
Simakadze wase utsi: “Lendvodzana yetse libito utsi nguLo Ami, ngobe anisiso sive sami, nami futsi angisiye Nkulunkulu wenu.”
Labo lababetsengiselana ngetimvu base bayangicasha; ngayelusa lemihlambi leyase imiselwe kuhlatjwa. Ngase ngitsatsa tindvuku letimbili, lenye ngayetsa libito ngatsi nguMusa, nalenye ngatsi nguNhlanganiso, ngabe sengiyawelusa-ke lomhlambi.
Niyawuhlupheka kuze kuphele iminyaka lengema-40 ngenca yetono tenu, umnyaka umele lilanga linye lalawo langema-40, lenawacitsa nihlolisisa lelive, kuze nati kahle kutsi kuyini kumelana kwenu nami.’
Impela ngiyanitjela ngitsi: Tonkhe letintfo tiyakwenteka singakapheli lesitukulwane salamuhla.
“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.