Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.
Zakhariya 10:8 - Siswati 1996 Bible “Ngiyawubakhweba ngibabutse bangene. Ngempela ngiyawubahlenga; bayawuba banyenti njengakucala. |
Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.
Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.
Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”
Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”
Tive letikhashane uyakutiphakamisela siboniso, ashaye impembe atibite khona emaphetselweni emhlaba. Ngekushesha lokukhulu tiyakuta.
Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.
Ngalelo langa Simakadze uyawushaya inkwela abite timphungane letingasemifuleni yaseGibhithe kanye netinyosi taseveni lase-Asiriya.
Tiyawubuya tonkhe titewubutsana etihosheni letehlelako kanye nasemifantfwini yemadvwala, nasetikwato tonkhe tihlahla temanyeva nasetimbotjeni tonkhe temanti.
Ngiyakwenta titukulwane taDavide, inceku yami, nemaLevi lakhonta embikwami tibe tinyenti tibe ngangetinkhanyeti tesibhakabhaka, tidzimate tingabaleki njengesihlabatsi saselusentseni lwaselwandle.’ ”
“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’
“Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”
Kodvwa nine, ngenca yengati yesivumelwane sami nani, ngiyawutikhulula tiboshwa takini emgodzini lote emanti.
Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.
Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.