Zakhariya 10:11 - Siswati 1996 Bible

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.

Zakhariya 10:11 Referencias Cruzadas

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

2 Emakhosi 2:14

Wabe sewushaya lamanti emfula ngalengubo. Wabuta watsi: “Uphi-ke loSimakadze, Nkulunkulu wa-Elija?” Watsi kube awashaye lamanti, ehlukana ekhatsi, aya ngesekudla nangesancele, wabe sewuyewela.

2 Emakhosi 2:8

Elija watsatsa sembatfo sakhe wasigocota, wabe sewushaya ngaso lamanti. Emanti ehlukana ekhatsi, aya ngesekudla nangesancele, lamadvodza lamabili ewela ahamba emhlabatsini lowomile.

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Tihlabelelo 114:3

Lwandle Lolubovu lwakubona loku lwabaleka, umfula iJordane wema, wangete wageleta.

Tihlabelelo 114:5

Kwenteke njani kuwe, Lwandle Lolubovu, kutsi bewungaze ubaleke? Nawe Jordane, wentiwe yini kuma ungageleti?

Isaya 14:25

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Isaya 19:16

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 44:27

Ngimi lokhuluma nekujula kwemanti atsi: ‘Yoma, ngitakomisa imifudlana yakho.’

Isaya 51:10

Kwakungesiwe yini lowa lowomisa lwandle, emanti alapho kushona khona kakhulu, lowenta umgwaco ekujuleni kwelwandle, kuze labahlengiwe bewelele ngesheya?

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Hezekeli 30:13

“ ‘Naku lokushiwo yiNkhosi Simakadze, itsi: “ ‘Ngiyawutibhubhisa tithico, ngiticedze tonkhe titfombe eMemfisi. Akusayikuba nambusi eGibhithe, futsi ngiyawusakata kwesaba kulo lonkhe live.

Zefaniya 2:13

Simakadze uyakwelula sandla sakhe amelane nenyakatfo, abhubhise i-Asiriya, iNineve ayishiye ilihlane, yome njengelugwadvule.

Sembulo 16:12

Ingilosi yesitfupha yatfululela sitja sayo etikwemfula lomkhulu i-Yufrathe. Emanti awo oma, kwavuleka indlela yemakhosi laphuma emphumalanga.