YaJakobe 4:9 - Siswati 1996 Bible

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.

YaJakobe 4:9 Referencias Cruzadas

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Jobe 30:31

Lihabhu lami selilungiselelwe kulila, nemntjingozi wami sewulungiselwe umsindvo wekukhala, yebo, umsindvo wekukhala ngimemete.”

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Tihlabelelo 119:67

Lokwa ngisengakahlupheki ngenca yekushaywa kwami, ngangivamise kweduka, manje sengiyaligcina livi lakho.

Tihlabelelo 119:71

Kwaba kuhle kutsi ngihlushwe kuze ngifundze timiso takho.

Taga 14:13

Umuntfu angahleka nome inhlitiyo yakhe ibuhlungu; emvakweluhleko inhlitiyo isala solomane ilusizi.

Umshumayeli 2:2

Ngabona, ngatsi: “Cha, kuhleka kubuhlanya. Yini nje lenhle ngekutijabulisa?”

Jeremiya 31:13

Tintfombi tiyawugidza tijabule, kanjalo futsi nemajaha nalabadzala. Ngiyawugucula kulila kwabo kube kujabula, ngibanike indvudvuto nekujabula esikhundleni selusizi.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Sililo 5:15

Injabulo iphelile etinhlitiyweni tetfu; kugidza kwetfu kwenjabulo sekugucuke kwaba sililo.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Matewu 21:41

Bamphendvula batsi: “Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato.”

Matewu 5:4

Babusisiwe labakhalako, ngobe bayawudvudvutwa.

Lukha 16:25

“Kodvwa Abrahama watsi: ‘Khumbula, ndvodzana yami, kutsi usaphila emhlabeni wanikwa konkhe lokuhle, kepha Lazaro abenikwe lokubi kodvwa. Sewuyajatjuliswa-ke lapha, kantsi wena sewusekuhluphekeni.

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Lukha 6:25

“Maye kini nine lenesutsi manje, ngobe nisetawulamba. Maye kini nine lenihlekako nyalo, ngobe nisetawukhala nilile.