YaJakobe 4:3 - Siswati 1996 Bible

Niyacela ningaphiwa, ngobe nicela kabi, nicelela kutsi nikucitse etinkhanukweni tenu.

YaJakobe 4:3 Referencias Cruzadas

1 Emakhosi 3:11

Ngako Nkulunkulu watsi kuye: “Njengobe ucele loku, ungakaticeleli imphilo lendze nome bunjinga, ungakaceli nekubhujiswa kwetitsa takho, kodvwa ucele inhlitiyo lehlakaniphile nengcondo lehlutekile, uze uhole ngekulunga,

Jobe 35:12

Akaphendvuli bantfu nabakhala ngenca yekutiphakamisa kwalababi.

Tihlabelelo 18:41

Bakhala, bacela lusito, kodvwa kwabate lobasindzisako; bahlaba inyandzaleyo kuSimakadze, kodvwa akazange abaphendvule.

Taga 1:28

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 21:13

Umuntfu longafuni kulalela sikhalo salomphofu, naye angeke aphendvulwe nakakhalela lusito.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Jeremiya 11:11

Ngako-ke naku lokushiwo nguSimakadze, utsi: ‘Ngiyakwehlisela etikwabo inhlekelele labangeke bakhone kuyibalekela. Nome bangakhala bacele lusito kimi, ngingeke ngibalalele.

Jeremiya 11:14

“Wena-ke Jeremiya, ungabathandazeli labantfu, ungabaceleli, futsi ungabancuseli, ngobe ngingeke ngilalele nase bangibita ngesikhatsi selusizi lwabo.

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Mikha 3:4

Siyeta sikhatsi lapho nitawukhala khona kuSimakadze, kodvwa angeke aniphendvule. Angeke ayilalele imithandazo yenu, ngobe nente lokubi kuye.

Zakhariya 7:13

“Simakadze longuSomandla utsi: ‘Ngatsi nangibabita bangete balalela ngekusabela, ngako-ke nabo nabamemeta, angizange ngibalalele.

Matewu 20:22

Jesu waphendvula watsi: “Anikwati lenikucelako. Ningayinatsa yini lendzebe yelusizi lesengitayinatsa?” Baphendvula batsi: “Singayinatsa.”

Makho 10:38

Kodvwa Jesu watsi kubo: “Anikwati lenikucelako. Nitakumela yini kuyinatsa lendzebe yelusizi lengitayinatsa nome kubhajatiswa ngalombhabhatiso lengitawubhajatiswa ngawo mine?”

Lukha 11:10

ngobe wonkhe locelako uyaphiwa, lofunako uyatfola, nalonconcotsako uyavulelwa.

Lukha 15:13

“Kwatsi ngemalangana indvodzana lencane yatsengisa lifa layo, yahamba nalemali yalibangisa eveni lelikhashane, lapho yayihlaphata khona imali ihleti ngekonakala.

Lukha 15:30

Kodvwa lendvodzana yakho nayibuya kuyawuhlaphata lifa lakho netingwadla, yona uyihlabisa litfole lelikhuluphele!’

YaJakobe 4:1

Letimphi nalokulwa kuphumaphi emkhatsini wenu? Akuchamuki yini etinkhanukweni tenu letilwa etitfweni tenu?

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.

1 yaJohane 5:14

Sinesibindzi kutsi nasicela lutfo kuNkulunkulu ngekwentsandvo yakhe, uyasiva.